නීතිපති දෙපාර්තමේන්තුවේ කිසිදු වැරැද්දක්‌ තමන් දකින්නෙ නැති බව ජනාධිපති මෛත්‍රිපාල සිරිසේන මහතා මාධ්‍යවේදීන් පිරිසක්‌ සමඟ පැවැති හමුවකදී ඊයේ (24 වැනිදා) ප්‍රකාශ කළේය.
නීතිපති දෙපාර්තමේන්තුවට නිදහසේ වැඩ කර ගෙන යන්න අවස්‌ථාව ලබා දිය යුතු බවත් කවුරුන් හෝ නීතිපති දෙපාර්තමේන්තුවට දොස්‌ කියනවා නම් තමන් ඊට කැමැති නැති බවත් ජනාධිපතිවරයා පැවසීය.
බැදුම්කර කොමිසමට අදාලව නීතිපති දෙපාර්තමේන්තුවේ කටයුතු සම්බන්ධයෙන් එක්සත් ජාතික පක්ෂයේ මැති ඇමැතිවරුන් විවිධ අදහස්‌ පළ කිරීම සම්බන්ධයෙන් මාධ්‍යවේදීන් නැගූ ප්‍රශ්නයකට පිළිතුරු දෙමින් ජනාධිපතිවරයා එම අදහස්‌ පළ කළේය.