නීති විරෝධි මත් කරල් හා ගබ්සා පෙති තොගයක් ළග තබාගෙන සිටි මාතර කොටුවේගොඩ ප්‍රදේශයේ මුස්ලිම් ජාතික ඔසුසැල් හිමියෙකු අද (23) කොටවිල පොලීසිය මගින් අත්අඩංගුවට ගෙන ඇත.
ඔහුට අයත් ඖෂධ අලෙවිසැල් හා පල්ලිමුල්ලේ පිහිටි නිවස පරික්ෂා කිරීමේදී මත්කුඩු කරල් 1400ක්, ගබ්සා පෙති 200ක්, ලිංගික උත්තේජක පෙති 10000ක් පමණ සොයාගෙන ඇත.
අදාළ පුද්ගලයා ගබ්සා පෙත්තක් රුපියල් පන්දහසකට ද, මත්කුඩු කරලක් රුපියල් පනහකදට, ලිංගික උත්තේජක පෙත්තක් රුපියල් සියයකට ද අලෙවි කර ඇතැයි තොරතුරු ලැබී ඇති බව පොලීසිය පවසයි.
මිරිස්ස වෙරළාරක්ෂක බලකායේ බුද්ධි ඒකකයේ නිලධාරීන් පිරිසක් හා මාතර කොට්ඨාස දූෂණ මර්ධන ඒකකයේ නිලධාරීන් පිරිසක් ද මෙම වැටලීමට සහයෝගය ලබා දී ඇත.