උරුලෑවා ගිය පාර මෙන් ගඳ නොගස්වා තමන් දන්නා දේ ගැන පමණක් කතා කරන්නැයි පාර්ලිමේන්තු මන්ත්‍රී නලින් බණ්ඩාර මහතා රාජ්‍ය අමාත්‍ය ලක්ෂමන් යාපා අබේවර්ධන මහතාගෙන් ඉල්ලා සිටී.
සිරිකොත පක්ෂ මුලස්ථානයේ පැවති මාධ්‍ය හමුවේදී මන්ත්‍රීවරයා මේ බව ප්‍රකාශ කළේය. බැඳුම්කර ගණුදෙනුවෙන් සිදුව ඇති අලාභය පිළිබඳ ලක්ෂ්මන් යාපා මහතා කළ ප්‍රකාශයක් සම්බන්ධයෙන් පැහැදිලි කරමින් මන්ත්‍රීවරයා ඒ එලෙස සඳහන් කළේය.
මැතිවරණයෙන් ප්‍රතික්ෂේප වී සිටියද යහපාලනයේ පිහිටෙන් රාජ්‍ය ඇමතිවරයෙකුව සිටියදී එලෙස අසත්‍ය ප්‍රකාශ සිදුකිරීම ගැන ක්‍රෝධයක් ඇති වන බව නලින් බණ්ඩාර මහතා ප්‍රකාශ කළේය. කෙසේ වෙතත් ලක්ෂමන් යාපා මහතා අද දවස වන විට දේශපාලන කුණු බක්කියට විසිවී අවසන් බව හෙතෙම වැඩිදුරටත් පැවසීය.