Colombo Today Local News

මංගලගේ ලේකම් කුඩුත් එක්ක ඇල්ලූ STF ප්‍රධානියා තනතුරෙන් ඉවතට ?

පොලිස් විශේෂ කාර්ය බළකායේ සේනාවිධායක ජ්‍යෙෂ්ඨ නියෝජ්‍ය පොලිස්පති එම්.ආර්. ලතීෆ් මහතාව වහාම එම තනතුරෙන් ඉවත් කිරීමට ජාතික පොලිස් කොමිසම තීරණය කර ඇතැයි වාර්තා වනවා.

මෙම පත්වීම නීති විරෝධී බවත්, මෙම තනතුරට පත් කළ හැක්කේ නියෝජ්‍ය ‍පොලිස්පති තනතුර හොබවන නිලධාරියකු බවත් පෙන්වා දෙමින් ‍පොලිස් කොමිසම ‍‍‍ජ්‍යෙෂ්ඨ නියෝජ්‍ය ‍පොලිස්පති එම්.ආර්. ලතීෆ් මහතා එම තනතුරින් ඉවත් කිරීමේ යෝජනාව ඉදිරිපත් කර තිබේ. එම්.ආර්. ලතීෆ් මහතා 2016 අගෝස්තු 04 දා මෙම තනතුරට පත් කරනු ලැබුවේ ද ජාතික ‍පොලිස් කොමිසමේ නිර්දේශ මතය.

පසුගිය ජූලි 6 වනදා මුදල් අමාත්‍ය මංගල සමරවීරගේ පෞද්ගලික ලේකම්වරයෙකු වන සමීර මනහර නමැත්තා හා තවත් පුද්ගලයන් තිදෙනෙකු මෝටර් රථයකින් නීතිවිරෝධී මත්කුඩු තොගයක් ගෙන යමින් සිටියදී අත්අඩංගුවට ගත්තේද ජ්‍යෙෂ්ඨ පොලිස්පති ලතීෆ් මහතාගේ අණ පරිදි විශේෂ කාර්ය බළකා මූලස්ථාන මෙහෙයුම් අංශය මගිනි. ඇමති ලේකම්වරයා අත්අඩංගුවට ගත් අවස්ථාවේම වහා නිදහස් කරන්නැයි ඉහළින් ආ බලපෑම් නොතකා ඔහුව අත්අඩංගුවේ තබා ගැනීමට ජ්‍යෙෂ්ඨ පොලිස්පතිවරයා කටයුතු කර තිබෙන අතර පසුව සැකකරුවන් ගල්කිස්ස පොලීසිය වෙත බාර දී තිබිණි.

ලතීෆ් මහතා විශේෂ කාර්යබළකා සේනාවිධායක තනතුරෙන් ඉවත් කිරීමට යෝජනා වීමට මෙම සිද්ධියද දැඩිලෙස බලපා තිබෙද බවද දේශපාලන ආරංචි මාර්ග සදහන් කරයි.

එමෙන්ම ඔහු එම තනතුරට පත්වීමත් සමග ඇතැම් දූෂිත නිලධාරීන් ඉවත්කර විශේෂ කාර්ය බළකාය නිසි මගට ගෙන ඒමට කටයුතු කළ නිලධාරියෙකු යැයි කියවෙන අතර, පොලිස් කොමිසමේ ඇතැම් නිලධාරීන්ට නීති විරෝධී ආකාරයට ලබා දී තිබූ විශේෂ කාර්ය බළකා ආරක්ෂකයන්, රියැදුරන් හා සෙබළුන් යළි මූලස්ථානයට කැඳවීමත්, නීත්‍යනුකූල නොවන කිසිදු දෙයකට විශේෂ කාර්ය බළකා භට පිරිස් යොමු නොකිරීමටත් ක්‍රියාකිරීම නිසා ඔහුට දැඩි විරෝධයක් එල්ල වී තිබුණු බවද ආරංචි මාර්ග පවසයි.

 

Related posts

කිරි පැකට්වලට වස මිශ්‍ර කිරීමේ සැකය ඇමති මංගලගේ කාර්ය මණ්ඩල ප්‍රධානි තුසිත හල්ලොලුවට

colombotoday

කොල්ල කෑ ස්මාර්ට් දුරකථනයේ වතුකරයේ තරුණියන් අට දෙනකුගේ නිරුවත් වීඩියෝ

colombotoday

මරික්කාර්, මුජිබර්, සාලි මියන්මාර් තානාපති කාර්යාලය වටලා තග දමයි (Video)

colombotoday

Video: කෝකිලායි හාමුදුරුවෝ දෙමල ජනතාවටත් ආදරෙයි.පන්සල වෙනුවෙන් පෙනී සිටීම අපේ යුතුකමක්

colombotoday

කඳාන ලෙකෝ ආයතනයේ සේවකයින් 12 කට කොරෝනා – සියලු දෙනා දෙවන පෙළ ආශ්‍රිතයින්

colombotoday

රටට අනාගතයක් හදන්න, “දැයම එක රොදකට සිව් හෙළේ මහා සමුළුව” ජූලි 7 මහනුවරදී

colombotoday