Colombo Today Local News

‘රවීට එරෙහිව විශ්වාස භංග ගේන්න සාදාචාරාත්මක අයිතියක් නැහැ’ – JHU

අමාත්‍ය රවී කරුණානායකට එරෙහිව විශ්වාස භංග යෝජනාවක් ගෙන ඒමට ඒකාබද්ධ විපක්ෂයට සාදාචාරාත්මක අයිතියක් නොමැති බව ජාතික හෙළ උරුමය (JHU) පවසයි.

මන්ත්‍රීවරුන් තිස් දෙදෙනෙකුගේ අත්සනින් යුතුව රවී කරුණානායක අමාත්‍යවරයාට එරෙහි විශ්වාසභංග යෝජනාවක් ඒකාබද්ධ විපක්ෂය මගින් ඉකුත් බ්‍රහස්පතින්දා කථානායකවරයා වෙත භාර දෙනු ලැබිය.

ඒ සම්බන්ධයෙන් ජාතික හෙළ උරුමයේ ස්ථාවරය කුමක්දැයි විමසූ අවස්ථාවේදී එම පක්ෂයේ ජාතික සංවිධායක නිශාන්ත ශ්‍රී වර්ණසිංහ මහතා ඒ බව කියා සිටියේය.

“ජනාධිපති විමර්ශන කොමිසමේ කටයුතු තවම අවසන් වී නෑ. තවත් පුද්ගලයන් විශාල පිරිසකගෙන් කරුණු අනාවරණය කරගන්න කාලය තියෙනවා. එසේ තිබියදී රවී කරුණානායක සම්බන්ධයෙන් විශ්වාස භංගයක් ගෙන එන්න ඒකාබද්ධ විපක්ෂය කටයුතු කිරීම තුළ තවත් තොරතුරු හුවමාරු කර ගැනීමට තිබෙන ඉඩ ප්‍රස්ථාව වෙන අතකට යොමු කිරීමේ උත්සාහයක් තියෙනවද කියලා සාධාරණ සැකයකුත් අපිට තියෙනවා.

ඒ වගේම ඒකාබද්ධ විපක්ෂයට සදාචාරාත්මක අයිතියක් තියෙනවද ? මේ විශ්වාස භංගයට අත්සන් කරපු රෝහිත මන්ත්‍රීතුමා, විමල් විරවංශ, ගාමිණී ලොකුගේ සහ මහින්දානන්ද අලුත්ගමගේ වැනි අයට චෝදනා එල්ල වෙලා දැනටමත් අධිකරණය නඩු විභාග වෙමින් තිබෙනවා.”

පවතින තත්ත්වය හමුවේ වඩාත් සුදුසු වන්නේ රවී කරුණානායක අමාත්‍යවරයා සිය අමාත්‍ය ධුරයෙන් ඉල්ලා අස්වීම බව ඔහු මෙහිදී වැඩිදුරටත් ප්‍රකාශ කළේය.

නෙත් නිව්ස්

Related posts

බණ්ඩාර‍වෙල සංචාරක කලාපයේ ජෛව විවිධත්වය සුරකිමින් හරිත පුරවරයක් ගොඩනංවාලීම වෙනුවෙන් තුරුලිය පූජාව

colombotoday

අමෙරිකානු තානාපතිනිය සහ විදේශ ඇමති අතර හමුවක්

colombotoday

ආරක්ෂක අමාත්‍යංශයෙන් විශේෂ නිවේදනයක්

colombotoday

මුස්ලිම් දේහ ආදාහනය නොකරන ලෙසට අන්තවාදී දේශක සකීර් නායික්ගෙන් ශ්‍රී ලංකාවට තර්ජන.

colombotoday

පාර්ලිමේන්තුව විසුරුවාහැරීමට එරෙහිව TNAත් ශ්‍රේෂ්ඨාධිකරණයට

colombotoday

උසස් පෙළ ප්‍රතිඵල ගැන බන්ධුලට ගැටළුවක්… කුමන්ත්‍රණයක් ගැනත් කියයි…

colombotoday