Colombo Today Local News

ආනයනික සහල් සහ පාන් පිටි බදු පහළ දැමේ !

වහාම ක්‍රියාත්මක වන පරිදි ආනයනික සහල් කිලෝවක විශේෂ වෙළෙඳ භාණ්‌ඩ බද්ද රු.5.00 සිට ශත 25 දක්‌වා ද ආනයනික තිරිඟු පිටි කිලෝවක සෙස්‌ බද්ද රු. 25 සිට රු. 15 දක්‌වා ද අඩුකර ඇතැයි මුදල් අමාත්‍යාංශය කියයි.

එසේම ආනයනික තිරිඟු ඇට මත වූ බද්ද කිලෝවකට රු. 9.00 සිට රු.6.00 දක්‌වා රු. 3.00 කින් ද අඩු කර ඇත.

මේ අතරම ආනයනික තෝර මාළු සඳහා වන විශේෂ වෙළෙඳ භාණ්‌ඩ බද්ද රු. 50 කින් අඩු කර ඇත. මේ අනුව ආනයනික මාළු අතරින් තලපත් සහ කොප්පරා මාළු කිලෝවක්‌ සඳහා මෙතෙක්‌ පැවැති රු. 75.00 ක විශේෂ වෙළෙඳ භාණ්‌ඩ බද්ද රු. 25 දක්‌වා අඩු කර ඇති බවත් ධීවර අමාත්‍යාංශය විසින් කළ ඉල්ලීමකට අනුව මෙම සහනය ඉදිරි මාස තුන සඳහා වලංගු බවත් මුදල් අමාත්‍යාංශය කියයි.

ජනතාවට සහන සැලසීම සඳහා ඊයේ (01 දා) රැස්‌ වූ ජීවන වියදම් පිළිබඳ අමාත්‍ය මණ්‌ඩල අනුකාරක සභාව විසින් මෙම තීරණය ගෙන ඇති බව ද මුදල් අමාත්‍යාංශය වැඩිදුරටත් කියයි.

ශ්‍යාම් නුවන් ගනේවත්ත – දිවයින

Related posts

“උ/නැගෙනහිර එක්කර ෆෙඩරල් පාලනයකට ඉන්දියාවෙන් සහාය ඉල්ලුවා” – විග්නේෂ්වරන් හෙළිකරයි

colombotoday

රට තුළ සිටින සංචාරකයන් 18,000 කට පහසුකම්

colombotoday

ජවිපෙ ෆේස්බුක් පිටුව හරියටම හදුනාගන්නේ මෙහෙයි.. ටිල්වින්ගෙන් ටියුෂන් ! (Video)

colombotoday

උදය ගම්මන්පිල සමාව අයැදී

colombotoday

පිළිකා එන්නත් ටෙන්ඩරයෙන් මිලියන ගණනක පාඩුවක්… ටෙන්ඩරය ඇමති හිතවතාගේ මස්සිනාට

colombotoday

මාස තුනකින් වැඩිහිටි දීමනාව ලබා දී නැහැ

Admin