බන්ධනාගාර භූමියේ සිට අධිකරණය වෙත රැගෙන යමින් සිටි සැකකරුවන් දෙදෙනෙක් බන්ධනාගාර නිළධාරියාට පහර දී පලා යාමේ පුවතක් මහර බන්ධනාගාරයෙන් වාර්ථා වනවා.
මෙම සැකකරුවන් බන්ධනාගාරයේ සිට අධිකරණයට ගෙන ගොස් ඇත්තේ හදුනා ගැනීමේ පෙරෙට්ටුවක් සඳහායි.
එහිදී සැකකරුවන් දෙදෙනා විසින් බන්ධනාගාර නිලධාරියාගේ සාක්‌කුවේ තිබූ මාංචු කුට්‌ටමේ යතුර ගෙන ඔවුන් දෙදෙනාට දමා තිබූ මාංචු ගලවා එම මාංචුවෙන් බන්ධනාගාර නිලධාරියාට පහරදී තිබෙනවා.
පසුව එම මාංචු අදාළ නිළධාරියාට දමා ඔහුගේ කටේ පාංකඩ ඔබා වද හිංසා සිදු කර සැකකරුවන් පලාගොස් ඇති බවයි වාර්තා වී ඇත්තේ. අදාළ නිලධාරියා සැකකරුවන් සමග හුදකලා වූ අවස්ථාවකදී මෙම ප්‍රහාරය එල්ල කර තිබෙනවා.
ප්‍රහාරයට ලක්වූ බන්ධනාගාර නිලධාරියාගේ මුහුණට අත්වලට තුවාල සිදු වී ඇති අතර ඔහු රෝහල් ගතව ප්‍රතිකාර ලබනවා.