මල්වතු මහා විහාරය යටතේ පාලනය වන කොත්මලේ මහවැලි මහාසෑය, මහවැලි සංස්කෘතික පදනම් භාරයට පවරාගෙන ඇති බව මල්වතු පාර්ශවයේ මහා නායක අතිපූජ්‍ය තිබ්බොටුවාවේ ශ්‍රී සුමංගල නාහිමියෝ චෝදනා කරති.
මේ සම්බන්ධයෙන් දැඩි විරෝධය පලකරමින් නාහිමියන් විසින් ජනාධිපතිවරයා වෙත ලිපියක් යොමු කර ඇති අතර, ඇමති නවීන් දිසානායක මහතා වෙත එමගින් සෘජුව චෝදනා කර ඇත.
මේ සම්බන්ධයෙන් අදහස් පල කරන මහවැලි මහා සෑය විහාරස්ථානාධිපති හිමියන් පවසන්නේ ජනාධිපතිවරයා විසින් ශිලා ලිපියක් මගින් සම්බුද්ධ ශාසනයට පවරා දෙනු ලැබූ බවත් එය දැන් පුද්ගලික සමාගමකට ඉල්ලා සිටින බවත්ය. ශාසනයට සංඝික කරන ලද්දක් නැවත පුද්ගලික සමාගමකට හෝ වෙනත් භාරයකට පත් කලහොත් එය පාපකර්මයක් වන බවද සදහන් උන් වහන්සේ සදහන් කරති.
