කටාර්හි ශ්‍රී ලංකා තානාපති ඒ එස් පී ලියනගේ මහතා සිය තනතුරෙන් ඉවත්වීමට අවස්ථාව දෙන ලෙස ජනාධිපති මෛත්‍රිපාල සිරිසේන මහතාගෙන් ඉල්ලීමක් කර තිඛෙනවා.
ඔහු මෙලෙස සිත් තැවුලෙන් තනතුරෙන් ඉවත්වීමට තීරනය කර ඇත්තේ පුරප්පාඩුවන ආණ්ඩුකාර ධුරයක් හිමිවන බව පැවසුවත් එය අහිමි වීම හේතුවෙන්. ජනාධිපති නව ලේකම්වරයා ලෙස ඔස්ටින් ප්‍රනාන්දු පත්වීමත් සමග පුරප්පාඩු වු නැගෙනහිර ආණ්ඩුකාර තනතුර තමන්ට හිමිවනු ඇතැයි ඒ එස් පී ලියනගේ බලාපොරොත්තුවෙන් සිටි බවයි වාර්තා වන්නේ.
එහෙත් නැගෙනහිර නව ආණ්ඩුකාරවරයා ලෙසයි රෝහිත බෝගොල්ලාගම ඊයේ ජනාධිපතිවරයා ඉදිරියේ දිවුරුම් දුන්නේ. ඒ එස් පී ලියනගේ කටාර් තානාපති කාර්යාලයේ රාජකාරිවලින් ඉවත්වීමට අවස්ථාව ලබා දෙන ලෙස ඉල්ලා ඇත්තේ ඉදිරියේදී හෝ හිස්වන ආණ්ඩුකාර ධුරයක් තමාට ලබා දෙන ලෙස ඉල්ලමින්.