විහාරස්ථාන තුනකට අවහිර වන පරිදි කළුබෝවිල භාතියා මාවතේ රාත්‍රී කාලයේ ඉදිකරමින් පවතින අනවසර මුස්ලිම් පල්ලිය සම්බන්ධයෙන් නීතිඥ අශෝක සේරසිංහ මහතා කළ ප්‍රකාශයක් හේතුවෙන් මුස්ලිම් ජනතාවට අපහාසයක් සිදුව තිබෙන බවත්, එම ප්‍රකාශය මගින් ජාතිවාදය ඇවිස්සෙන බවත් පවසමින් එක්සත් ජාතික පක්ෂ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මහතා ඊයේ කොහුවල පොලිස් ස්ථානය වෙත පැමිණිල්ලක් ඉදිරිපත් කර තිබෙනවා.
අදාළ ප්‍රකාශය සම්බන්ධයෙන් පරීක්ෂණයක් පවත්වා නීතීඥ අශෝක සේරසිංහ මහතාට දඩුවම් ලබා දිය යුතු බවත් යහපාලනය යටතේ ජාතිවාදය ඇවිස්සීමට ඉඩ නොදෙන බවත් පවසමින් මන්ත්‍රිවරයා මෙසේ අදහස් දක්වා සිටියා.
පන්සල් තුනක් වටකර රෑට රෑට හොරෙන් හදන මුස්ලිම් පල්ලියක්, කළුබෝවිල මුස්ලිම් අන්තවාදීන් ආගමික ගැටුමකට මුළපුරයි !
කළුබෝවිල හත්බෝධිය පුරාණ විහාරය, ශ්‍රී මහා විහාරය සහ භාතිය මාවත සාරානාත් ධර්ම නිකේතනය යන විහාරස්ථාන තුනකට මැදිව දේශපාලකයෙකුගේ මැදිහත්වීමෙන් අනවසරයෙන් ඉදිකරමින් පවතින මුස්ලිම් පල්ලියක් හේතුවෙන් ප්‍රදේශයේ සාමාකාමී වටපිටාවට දැඩි බලපෑමක් එල්ලවෙමින් පවතින අතර ඒ සම්බන්ධයෙන් ගැටළුකාරී තත්ත්වයක් උද්ගත වෙමින් පවතී. මේ පිළිබදව දැනුවත් කිරීම සදහා පසුගිය ජූනි 19 වනදා කළුබෝවිල හත්බෝධිය විහාරස්ථානයේ මාධ්‍ය හමුවක් පැවැත්වුණු අතර මුජිබර් රහුමන් මන්ත්‍රීවරයාගේ පැමිණිල්ලට තුඩුදී ඇත්තේ එම මාධ්‍ය සාකච්ඡාවේදී නීතීඥ අශෝක සේරසිංහ මහතා ප්‍රදේශයේ ආගමික සහජීවනය බාධා කරමින් හිස ඔසවන මුස්ලිම් අන්තවාදී ක්‍රියා සම්බන්ධයෙන් කළ ප්‍රකාශයයි.
මාධ්‍ය හමුවේදී පූජ්‍ය එළමල්දෙණියේ සාරාන්නද හිමි සහ අධිනීතීඥ අශෝක සේරසිංහ මහතා දැක්වූ අදහස් පහත වීඩියෝවෙන්. (අශෝක සේරසිංහ මහතාගේ අදහස් දැක්වීම විනාඩි 8.47 සිට)