Colombo Today Local News

“මේ රට බෞද්ධ රටක්.. එය පිළිනොගෙන සංහිදියාවක් හැදිය නොහැකියි“ – හින්දු සම්මේලනය

ඉන්දියාවේ ජාතික අනන්‍යතාවය ‘හින්දු‘ වනවා සේම මෙරට ජාතික අනන්‍යතාවය ‘බෞද්ධ‘ යැයි පිළි නොගන්නා තෙක් මෙරට ජාතික සංහිදියාවක් ගොඩනැගිය නොහැකි බව සමස්ථ ලංකා හින්දු සම්මේලනය පවසයි.

ජූනි 06 කොළඹදී පැවති මාධ්‍ය හමුවක් අමතමින් එහි ලේකම් එන්.අරූන්කාන්තන් මහතා මේ බව සදහන් කළේ ‘මේ රට සිංහල බෞද්ධ රටක් යැයි පිළිගැනීමට තමන් සූදානම් නැතැයි“ ජාතික සංහිදියා හා රාජ්‍ය භාෂා අමාත්‍ය මනෝ ගනේෂන් කළ ප්‍රකාශයකට ප්‍රතිචාර දක්වමිනි.

ඉන්දියාවේ විවිධ ආගම් අදහන පිරිස් කෝටි ගණනක් සිටියද ඒ සියල්ලම ‘හින්දු‘ අනන්‍යතාවයට අභියෝග නොකරන බවත්, එමෙන්ම මෙරට ‘බෞද්ධ‘ අනන්‍යතාවයට අභියෝග කිරීමට කිසිවෙකුට අයිතියක් නොමැති බවත් ඒ මහතා සදහන් කළේය. මේ රටේ බෞද්ධ සංස්කෘතික අනන්‍යතාවය පිළිගැනීමෙන් වෙනත් කිසිදු ජාතියකට හෝ ආගමකට අගතියක් නොවන බවද ඔහු සදහන් කළේය.

මේ රටේ සැබෑ සංහිදියාවක් ගොඩනැගීමට අවශ්‍යනම් ‘මේ රට බෞද්ධ රටක්‘ යැයි පිළිගෙන එතැන සිට වැඩ ආරම්භ කරන්නැයි තමන් මනෝ ගනේෂන් ඇමතිවරයාගෙන් ඉල්ලා සිටින බවත්, එසේ බැරිනම් ඇමතිකම අතහැර වෙනත් අතක් බලාගැනිම වඩාත් සුදුසු යැයිද අරුන්කාන්තන් මහතා අදහස් දක්වමින් පැවසීය.

 

Related posts

කරුණා අම්මාන් අත්අඩංගුවට ගන්නැයි ඉල්ලා ගොනු කළ රිට් පෙත්සම නිෂ්ප්‍රභ කෙරේ

colombotoday

මහින්දගේ අලුත් පක්ෂය එළියට එද්දී ශ්‍රීලනිපය කරන්න යන දේ මෙන්න

colombotoday

මන්තී‍්‍රවරයකු අත්අඩංගුවට ගන්න රාති‍්‍රයේ නොව දහවල් යන්න – කථානායක පක්‍ෂ නායක හමුවේදී කියයි

colombotoday

මධුෂ්ගේ පාටියට ගියේ දැනගෙනමයි… ආපහු එන්න ටිකට් අරන් දුන්නේ මධුෂ්ගේ අනියම් බිරිද – නදීමාල් කියයි

colombotoday

තාවකාලිකව නැවැත්වූ කටාර් සිට පැමිණීමට තිබූ ගුවන් යානය 280 ක් රැගෙන හෙට දිවයිනට

colombotoday

අයෙකුට කිලෝ 5යි සහල් අලෙවිය සීමා පනවයි

Admin