තමන්ද මුල්වී සිදු කළ දේශපාලන පරිවර්ථනයෙන් රටට කිසිම වැඩක් වන බවක් පෙනෙන්නට නැති බවත්, සිහන බලාපොරොත්තු සියල්ලම සුන් වූ බවත් එක්සත් ජාතික පක්ෂ පාර්ලිමේන්තු මන්ත්‍රී පූජ්‍ය අතුරලියේ රතන හිමියෝ පවසති.
ජනාධිපතිවරයාගේ ප්‍රතිපත්ති ප්‍රකාශයෙන් බැහැරව අගමැතිවරයා සහ ජාවාරම්කරුවන් කිහිප දෙනෙකුගේ උවමනාවට සියළු දේ සිදුවන බවත්, ඇති වෙමින් පවතින විනාශය හමුවේ තව දුරටත් ජීවත් වීමේ කිසිදු ප්‍රතිඵලයක් නැතැයි සිතෙන බවද එහිමියෝ සදහන් කළේය.
මේ ආන්ඩුව යටතේ හොද දෙයක් කිරීමට දැනනම් කිසිම බලාපොරොත්තුවක් නැති බවත් කරන්න යන විනාශයන්ගෙන් රට බේරා ගැනීමට උත්සාහ කරන බවත් කොළඹදී පැවති මාධ්‍ය හමුවක් අමතමින් උන් වහන්සේ කියා සිටියහ.
සෙස් බදු ඉවත් කිරීමෙ අදාලව අග්රාමාත්ය කාර්යාලයෙන් නිකුත් කරන ලද ලේඛණයක්ද උන් වහන්සේ එහිදී මාධ්‍ය වෙත් ඉදිරිපත් කලහ.