අතුරුදන් වූ තැනැත්තන් පිළිබද කාර්යාල පනත කඩිනමින් ක්‍රියාත්මක කරන ලෙස අතුරුදන්වූවන්ගේ පවුල් එකතුව සහ නිදහසේ වේදිකාව ජනාධිපතිවරයාගෙන් ඉල්ලා සිටියි.
නිවේදනයක් නිකුත් කරමින් ඔවුන් පෙන්වා දෙන්නේ පසුගිය වසරේ අගෝස්තු මාසයේ දී පාර්ලිමේන්තුවේ දී සම්මත වු එම පනතට සංශෝධන ඉදිරිපත් කිරීමට අවශ්‍ය බව පවසමින් එය ක්‍රියාත්මක කිරීම කල් දමා ඇති බවය.
අදාළ සංශෝධන සදහා මේ වන විට අමාත්‍ය මණ්ඩල අනුමැතිය හිමිව ඇති බව ද එය ලබන හත් වැනිදා පාර්ලිමේන්තුවට ඉදිරිපත් කිරීමට නියමිත බවට තොරතුරු ලැබී ඇති බව ද එම සංවිධාන පවසයි.
එබැවින් අදාළ බලතල අමාත්‍යවරයෙකු වෙත පවරමින් අතුරුදන්වු තැනැත්තන් පිළිබද කාර්යාලය කඩිනමින් ක්‍රියාත්මක කිරීමට අවශ්‍ය පියවර ගන්නා ලෙස ජනාධිපතිවරයාගෙන් ඉල්ලීමක් කර තිබේ.