Colombo Today Local News

සම්මුතිය දෙදරයි ! යාපාගේ කාර්යාලය කබීර් අල්ලා ගනී.. ඇමතිකමේ වැඩ බාර නොගෙන යාපා හැරී යයි..

රාජ්‍ය ව්‍යවසාය සංවර්ධන කැබිනට් අමාත්‍ය කබීර් හෂීම්ගේ ව්‍යාපෘතියක් සදහා රාජ්‍ය අමාත්‍යංශ කාර්යාල කාමර හදිසියේ ම වෙන් කර ගැනීම හේතුවෙන් එහි රාජ්‍ය අමාත්‍යවරයා ලෙස අභිනවයෙන් පත් වු ලක්ෂ්මන් යාපා අබේවර්ධනගේ වැඩ බාරගැනීම දින නියමයක් නොමැතිව කල් දැමීමට සිදු වී ඇතැයි වාර්තා වේ.

ලක්ෂ්මන් යාපා අබේවර්ධන සුබ මොහොතින් ඊයේ (02) පෙරවරුවේ සිය නව අමාත්‍ය ධූරයේ වැඩ බාරගැනීමට නියමිතව තිබුණි.

ඒ අනුව අමාත්‍යවරයා විසින් සිය ලිපි ගොනු නව අමාත්‍යංශ පරිශ්‍ර‍ වෙත රැගෙන ගිය ද ඒවා තබා ගැනීමට පවා ඉඩපහසුකම් නොමැති වීම හේතුවෙන් කාර්ය මණ්ඩල නිලධාරීන් දැඩි අපහසුතාවයට පත් වු බව ද වාර්තා වේ.

මීට පෙර රාජ්‍ය ව්‍යවසාය නියෝජ්‍ය අමාත්‍යවරයා ලෙස කටයුතු කළ එරාන් වික්‍ර‍මරත්නට ඔහුගේ නිල කාමරය හැර තවත් කාමර 9ක් තිබුණි.

ඔහු මුදල් රාජ්‍ය අමාත්‍යවරයා ලෙස අභිනවයෙන් පත් වු අතර ඊට පෙර මුදල් රාජ්‍ය අමාත්‍යවරයා ලෙස කටයුතු කළ ලක්ෂ්මන් යාපා අබේවර්ධනගේ සියලු නිල කාමර එරාන් වික්‍ර‍මරත්නට ලබා දී ඔහුන් ඊයේ මුදල් රාජ්‍ය අමාත්‍යංශ පරිශ්‍රයෙන් ඉවත් වී ඇති බව ද වාර්තා වේ.

අනතුරුව ලක්ෂ්මන් යාපා අබේවර්ධනගේ පෞද්ගලික කාර්ය මණ්ඩල නිලධාරීන් ඊයේ ලෝක වෙළෙද මධ්‍යස්ථානයේ නැගෙනහිර කුලුනේ ඇති රාජ්‍ය ව්‍යවසාය සංවර්ධන අමාත්‍යංශ පරිශ්‍ර‍ට ගිය අතර හදිසියේ ම එම අමාත්‍යංශයේ තිබු කාමර 9න් කාමර 6ක් ම කැබිනට් අමාත්‍යවරයාගේ වෙනත් ව්‍යාපෘතියක් සදහා යොදවා ඇති බවට දැනුම් දී ඇත.

මින් අපහසුතාවයට පත් ලක්ෂ්මන් යාපා අබේවර්ධන අමාත්‍යවරයා අදට යෙදී තිබුණු වැඩ බාරගැනීම දින නියමයක් නොමැතිව කල් දමා මාතර බලා පිටත්ව ගොස් ඇත.

මේ පිළිබද රාජ්‍ය ව්‍යවසාය සංවර්ධන අමාත්‍යංශයේ ලේකම් රවීන්ද්‍ර‍ හේවාවිතාරණට අමාත්‍යවරයාගේ නිලධාරීන් දැනුම් දී ඇති අතර එහිදී ලේකම්වරයා පවසා ඇත්තේ ලබන සදුදා වන විට මෙම ගැටලුව නිරාකරණය කර දෙන බවයි.

Related posts

පොතුවිල් විරෝධතා පාගමනට එක වූ මන්ත්‍රීවරුන්ගෙන් පොලිසිය ප්‍රකාශ ලබාගනී

colombotoday

ගෝඨා ජනපති කරන්න දරදිය ඇද්ද හිමි නමකගෙන් පොහොට්ටු ජාතික ලැයිස්තු අපේක්ෂක අලි සබ්‍රි රු.බිලියන 1.5 ක වන්දියක් ඉල්ලයි

colombotoday

කොවිඩ් සිරුරු භූමදානයට අදාළ මාර්ගෝපදේශ සකස් කර අවසන්

colombotoday

පාස්කු දා ප්‍රහාරය මනුෂ්‍ය වර්ගයාටම නිගාවක්

colombotoday

ඔන්ලයින් ගේම් අත්හිටුවන්නැයි TRC යෙන් ඉල්ලීමක්

colombotoday

අගමැති ඉල්ලා අස්විය යුතු නම් සෙසු අමාත්‍යවරුන් මෙන්ම ජනාධිපතිවරයාද ඉල්ලා අස්විය යුතුයි

colombotoday