ත්‍රිකුණාමලයේ සිට මුලතිව් දක්වා ධාවනය වූ පෞද්ගලික බස් රථයක පුපුරණ ද්‍රව්‍ය තොගයක් රැගෙන යමින් සිටි පුද්ගලයන් දෙදෙනෙකු මුලතිව්හිදී අත්අඩංගුවට ගත් බව මුලතිව් පොලීසිය පවසයි.
සැකකරුවන් පුල්මුඩේ ප්‍රදේශයේ පදිංචි අබ්දුල් අසීබ් හසන් හා රහුමාන් මහ්දුල්ලා නමැත්තන්ය. මුලතිව් පොලීසියට ලද තොරතුරකට පොලිස් නිලධාරීන් පිරිසක් විසින් මාර්ගයේ රැකවල් යොදා අදාළ බස් රථය පරීක්ෂා කිරීමේදී පුපුරණ ද්‍රව්‍ය තොගය සමග සැකකරුවන් අත්අඩංගුවට ගෙන තිබේ.
මෙසේ අත්අඩංගුවට ගෙන ඇත්තේ අගල් අටක් දිගැති ඩයිනමයිට් කරල් 8ක්, ඩෙටනේටර් 20 ක්, අඩිය බැගින් වූ සේවා නූල් 5 ක් ඇතුළු උපකරණ කිහිපයකි.