ඓතිහාසික දීඝවාපියට අයත් පරිවාර දාගැබක් වූ අම්පාර, ඉරක්කාමම් හි මාණික්කමඩු විහාරස්ථානයේ ඉදිකිරීම් කටයුතු නතර කිරීම සම්බන්ධයෙන් ශ්‍රී ලංකා මුස්ලිම් කොංග්‍රසයේ නායක අමාත්‍ය රවූෆ් හකීම් සහ විපක්ෂ නායක ආර්. සම්බන්ධන් අතර සාකච්චාවක් පවත්වා තිබේ.
අප්‍රේල් 26 වන දා රාත්‍රියේ විපක්ෂ නායක වරයාගේ නිල නිවසේදී මෙම සාකච්චා පැවති බව දෙමළ මාධ්‍ය ibctamil වෙබ් අඩවිය පවසයි.
මෙම කරුණ සම්බන්ධයෙන් ජනාධිතිවරයාගේ අවධානය යොමු කිරීමට දෙපාර්ශවයම තීරණය කර ඇති අතර, එම ස්ථානයේ බෞද්ධ විහාරයක් ඉදිකිරීම යහපාලනයට හා සංහිදියාවට බාධාවක් බව ඔවුන් තීරණය කර ඇත.
මෙම විහාරය ඉදි කිරීම නතර කිරීමේ යෝජනාවක් නැගෙනහිර පළාත් සභාවට ඉදිරිපත් කර දෙපාර්ශවයේ එකගතාවයෙන් සම්මත කරගැනීමටත් මෙහිදී එකග වී ඇත.
ඓතිහාසික ඉරක්කාමම් දාගැබ පිහිට භූමියේ විහාරස්ථානයක් ඉදිකිරීමේ වැඩ කටයුතු පසුගිය අප්‍රේල් 20 වනදා ආරම්භ වූ අතර, එම භූමියට අයිතිවාසිකම් කියමින් මුස්ලිම් ජාතික පිරිසක් විරෝධය පළකිරීම නිසා විහාරයේ වැඩ තාවකාලිකව නතර කෙරිණි.
මානික්කමඩු විහාරයට මුස්ලිම් විරෝධයක්.. හොර බලපත්‍ර හදා විහාර භූමියේ අයිතිය ඉල්ලයි
ඥාණසාර හිමි මාණික්කමඩුවට.. අන්තවාදීන්ට යට වූ නිලධාරීන්ට සැරටම අමතයි (Video)
සංහිදියාවට බාධාවක්.. අම්පාර, ඉරක්කාමම්හි බුදු පිළිමය ඉවත් කරන්න.. පල්ලි සම්මේලනය ඉල්ලයි