Colombo Today Local News

විදුලි සේවකයන් බලාගාරවලින් ඉවත් වෙයි… පැය 24ක් විදුලිය බිද වැටීමේ අවදානමක් !

වැටුප් විෂමතා නිවැරදි නොකිරීමට එරෙහිව විදුලි සේවකයන් අද (05) වෙනිදා මධ්‍යම රාත්‍රියේ සිට (06) වනදා මධ්‍යම රාත්‍රිය දක්වා සංඛේත වැඩ වර්ජනයක් ආරම්භ කරන බව ලංවීම ඒකාබද්ධ වෘත්තීය සමිති සම්මේලනය පවසයි.

එහි කැදවුම්කරු රංජන් ජයලාල් මහතා පැවසුවේ, සියලු සේවකයන් බලාගාරවලින් ඉවත් වන බවයි. වාර හා සේවා බිද වැටීම් ඇතුළු රාජකාරි කටයුතු ඇන හිටින බවද ඔහු පැවසීය.

පාලනාධිකාරිය විසින් අත්තනෝමතිකව සිය වැටුප ඉහළ දැමීම නිසා දැවැන්ත වැටුප් විෂමතාවක් පහළ සේවකයන්ට සිදුව ඇති බවත් මෙම අසාධාරණය සම්බන්ධයෙන් කටයුතු කර විසඳුම් ලබා දෙන ලෙසට පාලකයන්ගෙන් වසර 2කට ආසන්න කාලයක් ඉල්ලා ඇතැත් විසඳුමක් දී නැතැයිද ඒ මහතා චෝදනා කළේ ය.

ලංවිම ජාතික සේවක සංගමය, ලංවිම නිදහස් සේවක සංගමය, ලංකා විදුලි සේවක සංගමය ඇතුළු වෘත්තීය සමිති 32ක් ඒකාබද්ධව මෙම වෘත්තීය ක්‍රියා මාර්ගය ගන්නා බවද ඒ මහතා වැඩිදුරටත් පැවැසීය.

මෙම එක්දින වැඩවර්ජනය හේතුවෙන් රටේ බරපතළ තත්ත්වයක් ඇති විය හැකි බවත් ජනතාවට මෙහිදී සිදුවන අපහසුතාවන් සම්බන්ධයෙන් වගකීම, සේවකයන්ගේ සාධාරණ ඉල්ලීම් ඉටු නොකර, සේවකයන් මර්දනය කිරීමට කටයුතු කරන ලංවිම පාලනාධිකාරිය සහ ආණ්ඩුව විසින් බාරගත යුතු බවද ඒ මහතා පැවැසීය.

Related posts

ත්‍රිරෝද රථ දෙවන කිලෝමීටරයට අය කළ ගාස්තු පහළට

colombotoday

විභාග මධ්‍යස්ථාන ළඟ ඡන්ද වැඩ කළොත් අත්අඩංගුවට

colombotoday

ජනපතිට – අගමැතිට සිතාසි

colombotoday

අනුරාධපුර ගුවන් හමුදා කදවුරට පහර දුන් කොටි ත්‍රස්තයන් දෙදෙනට වසර 10ක සිර දඩුවම්…

colombotoday

මාධ්‍ය ප්‍රධානී හමුව හදිසියේ අවලංගුයි..

colombotoday

අලුත් අවුරුදු සමයේ උත්සව සැනකෙලි තහනම්

colombotoday