Colombo Today Local News

දිවයින් පුරා සියලු ආර්ථික මධ්‍යස්ථාන තවත් දින 2ක් විවෘතයි

දිවයින් පුරා සියලු ආර්ථික මධ්‍යස්ථාන හෙට (01) සහ අනිද්දා (02) දිනයේ විවෘතකිරීමට නියමිතව තිබේ.

තොග වෙ‍ළෙඳුන් සඳහා පමණක් සියලු ආර්ථික මධ්‍යස්ථාන හෙට අලුයම 04.00 සිට විවෘතව තැබෙන බව වාර්තා වේ.

කොවිඩ් වසංගත තත්ත්වය හේතුවෙන් පසුගිය 20 වනදා රාත්‍රීයේ සිට දිවයිනම ආවරණය වන පරිදි නිරෝධායන ඇඳිරිනීතිය ක්‍රියාත්මක කෙරුණි.

මේ හේතුවෙන් මුල්වරට පසුගිය 25 සහ 26 වන දින සියලු ආර්ථික මධ්‍යස්ථාන විවෘතකිරීමට රජය කටයුතු කළේය.

ගොවින්ගේ අස්වනු අලෙවිකර ගැනීමට නොහැකි විම හේතුවෙන් යළි පසුගිය 28 සහ 29 යන දෙදින තුළ ද සියලු ආර්ථික මධ්‍යස්ථාන විවෘතකර තිබුණි.

පසුව නිරෝධායන ඇඳිරිනීතිය යළි සැප්තැම්බර් මස 06 වනදා දක්වා දීර්ඝ කිරීම හේතුවෙන් අත්‍යාවශ්‍ය ආහාර ද්‍රව්‍ය ජනතාවට ලබාදීම සඳහා හෙට සහ අනිද්දා යන දෙදින ආර්ථික මධ්‍යස්ථාන විවෘතකිරීමට රජය තීරණය කර ඇත.

සෞඛ්‍ය මාර්ගෝපදේශ අනුගමනය කරමින් එහි පැමිණෙන ලෙස මැනිං පොදු වෙළෙඳ සංගමයේ අනිල් ඉන්ද්‍රජිත් මහතා වෙළෙඳුන්ගෙන් ඉල්ලීමක් කරයි.

Related posts

ප්‍රධාන පක්ෂ දෙක එකතු වී ජිනීවා යෝජනාව ක්‍රියාත්මක නොකළොත් රට බෙදීයාම වැළැක්විය නොහැකියි – ලක්ෂමන් කිරිඇල්ල

colombotoday

සිංහල, දෙමළ, මුස්ලිම් ත්‍රිවිධ ජාතීන්ගේ හමුදාවක් හැදීම ජනපතිගේ බලාපොරොත්තුවයි

colombotoday

බැදුම්කර මගඩියට සුදු හුණු ගාන එජාප ඇමතිලාට අර්ජුන්ගෙන් රට සවාරි !

colombotoday

සෞඛ්‍ය කාර්ය මණ්ඩලයට ඉන්ධන දෙන්න වෙනම දිනයක්

colombotoday

අගමැති හැසිරුනේ හස්තිරාජ මදන මෝදකය කාලා වගේ – බන්දුල ගුණවර්ධන

colombotoday

ඉන්ධන මෙට්‍රික් ටොන් 37,500ක් ගොඩබෑම අරඹයි

colombotoday