සුදු පැහැති නිල ඇදුම් වෙනුවනට පාසල් සිසුන්ට වර්ණවත් ඇදුම් හදුන්වාදීමට සැලසුම් සකස් කරන බව අධ්‍යාපන ඇමති අකිල විරාජ් කාරියවසම් මහතා පවසයි.
ලෝකයේ සුදු ඇදුම් පමණක් අදින්නේ ලංකාවේ පාසල්වල පමණක් බව පවසන අමාත්‍යවරයා, අලුතින් සිතා පාට 04ක් හෝ 05ක් සහිත නිල ඇදුම් හදුන්වා දී සිසුන්ට කැමති වර්ණයෙන් යුතු ඇදුම් තෝරාගැනීමට අවස්ථාව ලබා දෙන බවත්, ඒ සදහා සැලසුම් සකස් කිරීමට බලාපොරොත්තු වන බවත් පැවසීය.
සුදු ඇදුම් ඉක්මනින් කිළිටි වන නිසා ළමුන් ක්‍රීඩා කිරීමට පවා අකමැති බවත්, නිල ඇදුමේ වර්ණය වෙනස් කිරීම සුළු දෙයක් වූවත් එමගින් පවා ක්‍රීඩාවට උත්තේජනයක් ලැබෙන බවට තමන් විශ්වාස කරන්නේ යැයිද අමාත්‍යවරයා පැවසීය.
හෙතෙම මේ බව පැවසුවේ පෙරේදා (29) කොළඹ පැවති උත්සවයකට එක්වෙමිනි.