ගෑස් සමඟ සිලින්ඩර් තොගයක් පාරිභෝගිකයින්ට අලවි නොකර අඟුණකොලපැලැස්ස ප්‍රදේශයේ සඟවා ගෙන සිටියදී හම්බන්තොට දිස්ත්‍රික් පාරිභෝගික සේවා අධිකාරියේ නිළධාරීන් විසින් සිදුකල කරන ලද වැටලීමක දී සගවා තිබූ ගෑස් සමඟ සිලින්ඩර් තොගය අද (15)දින අත්අඩංගුවට ගෙන පාරිභෝගිකයින්ට නියමිත මිළට ලබාදීමට පියවර ගත් බව හම්බන්තොට දිස්ත්‍රික් පාරිභෝගික සේවා කාර් යාලයේ විමර්ශන නිළධාරි දිනුෂ ලක්මාල් මහතා පවසයි.
මෙලෙස මෙම ස්ථානයේ ගෑස් සමඟ ලොරි හතරක සිලින්ඩර් 4000 කට ආසන්න සංඛ්‍යාවක් සඟවා තිබූ බව එම නිළධාරීන් පවසති.
අගුනුකොළපැලැස්ස ප්‍රදේශයේ අදාළ ගෑස් අලවි නියෝජිතයා පාරිභෝගික ජනතාවට අලෙවි කිරීමට තිබු ගෑස් සිලින්ඩර තොගයක් මෙලෙස මිල වැඩි වන තෙක් රහසිගතව සගවා ගෙන සිටි හෙයින් ඔහුට එරෙහිව නිතිය ක්‍රියාත්මක කිරිමට කටයුතු කල බවද හම්බන්තොට දිස්ත්‍රික්කයේ පාරිභෝගික සේවා කාර්යාලයේ නිලධාරීහු පවසති.
ප්‍රධාන කාර්යාලයෙන් ලද තොරතුරු අනුව මෙම වැටලීම සිදුකර තිබේ. වැටලීම සිදුකරන අවස්ථාවේ එම ස්ථානයේ තිබු සියලු ගෑස් සිලින්ඩර් පාරිභෝගිකයින් හට දැනට පවතින මිලට අලෙවි කිරීමට පාරිභෝගික සේවා නිලධාරීන්ගේ මෙහෙය වීමෙන් සිදුකර ඇත.