කලහකාරී ලෙස හැසිරෙමින් තම දියණියට අමානුෂිකව පහර දුන් අවස්ථාවේ පුතා එල්ල කළ තියුණු ආයුද පහරකින් 44 හැවිරිදි පියකු මියගොස් ඇතැයි කොච්චිකඩේ පොලිසිය කියයි.
සිද්ධිය සම්බන්ධයෙන් 22 හැවිරිදි පුතා අත්අඩංගුවට ගෙන ඇත.
මිය ගිය පියා බිමතින් නිවසට පැමිණ,දහවල් ආහාරය සඳහා සකස් කර තිබූ ව්‍යංජනයක් සම්බන්ධයෙන් ඔහුගේ දියණිය සමග ආරවුලක් ඇතිකරගෙන දියණියට පහරදී ඇති බවත් පුතා එය වළක්වා තියුණු ආයුධයකින් සිය පියාට පහර දී ඇතැයි ද පොලිසිය පවසයි.
සිද්ධියෙන් බරපතළ තුවාල ලැබූ පියා රෝහලට ඇතුළත් කිරීමෙන් අනතුරුව මියගොස් ඇත .