බස්නාහිර පළාත තුළ නිදැල්ලේ සැරිසරන ගවයන් මාර්තු 13 වැනිදා සිට අල්ලා ගාල් කර තැබීමට පියවර ගන්නා ලෙස මහ නගර සහ බස්නාහිර සංවර්ධන අමාත්‍යාංශය විසින් බස්නාහිර පළාතේ ප්‍රාදේශීය ලේකම් කාර්යාල හා පළාත් පාලන ආයතන දැනුවත් කර තිබේ.
ගවයන් හට ආහාර සපයා ගැනීමේ පවතින දුෂ්කරතාවයන් නිසා ගව හිමියන් මෙසේ ගවයන් නිදැල්ලේ යැවීමට හුරු වී සිටින අතර, ඒ හේතුවෙන් මාර්ග තදබදය, රිය අනතුරු සහ පොදුවේ මහජනතාවට හිරිහැර සිදුවීම ආදී ගැටළු රැසක් පැනනැගී ඇත.
මහනගර සහ බස්නාහිර සංවර්ධන අමාත්‍යාංශය විසින් ක්‍රියාත්මක කරනු ලබන, බස්නාහිර පළාත් මහ නගර සංවර්ධන සැලසුමට අනුව පවතින සංවර්ධන බාධක විමර්ශනය කිරීමේදී මෙම ගැටළුව හදුනාගෙන ඇත.