විවිධ සිද්ධීන් සම්බන්ධයෙන් පොලිස්‌ අත්අඩංගුවට පත්ව මේ වන විට ඇප මත මුදා හැර සිටින නාවික හා යුද හමුදා බුද්ධි අංශ නිලධාරීහු දැඩි අනාරක්‍ෂිත තත්ත්වයකට පත්ව සිටිති. එල්.ටී.ටී.ඊ. ත්‍රස්‌තවාදීන්ට එරෙහිව සුවිශේෂී මෙහෙයුම් රැසක්‌ සිදු කළ මෙම බුද්ධි අංශ නිලධාරීන්ගේ අනන්‍යතාව හෙළි වීම සහ මේ වන විට විදේශගත කොටි ඩයස්‌පෝරාවේ ක්‍රියාකාරකම් මෙරට වර්ධනය වෙමින් තිබීම ඔවුන් මෙලෙස අනාරක්‍ෂිත වීමට හේතු වී තිබේ.
මේ වන විට ඔවුන්ට හමුදාවෙන් කිසිදු ආරක්‍ෂාවක්‌ නොලැබෙන අතර ඇතැම් උසස්‌ බුද්ධි නිලධාරීන් සතුව තිබූ රාජකාරි ගිනි අවි පවා ඉවත් කර ඇත.
ඇප මත නිදහස් වීමෙන් පසුව මෙම බුද්ධි නිලධාරීන් බුද්ධි බළකායන්වලින් ඉවත් කර වෙනත් හමුදා ඒකකවල රාජකාරියට අනුයුක්‌ත කිරීම එසේ ගිනි අවි ඉවත් කිරීමට හේතු වී ඇත.
සමන් ගමගේ – දිවයින