ගම්පහ මිරිස්වත්ත ප්‍රදේශයේ තාවකාලික නවාතැනක සිටින සිවු දෙනෙක් කොරෝනා ආසාදිතයන් ලෙස හඳුනා ගැනීමත් සමග නවාතැන්ගෙන සිටි ස්ථානයෙන් ඉවත් කර තිබේ.
පෞද්ගලික ආයතනයක සේවය කරන මෙම සිව්දෙනා ගම්පහ නගරයේ අසරණව රැඳී සිට ඇත.
ඔවුන්ට අයත් කාරයක සහ ත්‍රීරෝද රථයක රැඳී සිටින බවට ගම්පහ නගරාධිපති එරංග සේනානායකට දුරකතන ඇමතුමක් ලැබී තිබුණු අතර ඒ අනුව වහාම ක්‍රියාත්මක වී තමන් ඔවුන්ව රෝහල්ගත කිරීමට පියවර ගත් බවයි ගම්පහ නගරාධිපතිවරයා පවසන්නේ.