Colombo Today Local NewsWorld

පෘථිවිය ට සමාන ග්‍රහලෝක හතක් සොයා ගැනේ

ජීවය පැවැතීමට හිතකර සාධක පවතින, පෘථිවිය හා සමාන ග්‍රහලෝක හතක් සොයා ගැනීමට තමන්ට හැකිවු බව ඇමෙරිකාවේ නාසා ආභ්‍යවකාශ ආයතනය පවසයි.

විශේෂ මාධ්‍ය හමුවක් පවත්වමින් නාසා ආයතනයේ විද්‍යාඥයෝ මෙම කරුණු ප්‍රකාශ කළහ.පෘථිවියේ සිට ආලෝක වර්ෂ 40 ක දුරින් පිහිටා ඇති කුඩා සෞරග්‍රහ මණ්ඩලයක මේ ග්‍රහලෝක හත පිහිටා ඇතැයි නාසා විද්‍යාඥයෝ පවසති.

වාණිජ ජෙට් යානාවකින් පැයට කිලෝමීටර 926කින් ගමන් කළ ද එම තාරකාව පිහිටා ඇත්තේ වසර මිලියන 44කට වඩා දුරින් යැයි ද නාසා විද්‍යාඥයෝ තවදුරටත් පෙන්වාදෙති.

මෙම නව ග්‍රහයන් හත් දෙනා කුඩා තරුවක් වටා භ්‍රමණය වෙමින් පවතින බව ද විද්‍යාඥයෝ පවසති.විද්‍යාඥයන් එම තරුව නම් කර ඇත්තේ ‘ට්‍රැපිස්ට් 1’ යන නමිනි. මෙම තරුව අප සූර්යයා මෙන් නොව, ඊට වඩා සිසිල් යැයි ද පැවැසෙයි.

මීට පෙර වෙන වෙනම ජීවය ජීවය පැවැතීමට හිතකර සාධක ඇති ග්‍රහලෝක විද්‍යාඥයන් විසින් සොයා ගනු ලැබ ඇතත්, ජීවය පැවැතිය හැකි යැයි අනුමාන කළ හැකි ග්‍රහයන් හතකින් සමන්විත ග්‍රහ මණ්ඩලයක් සොයා ගැනීමට හැකිවුණු පළමු අවස්ථාව මෙය බවත් එම නිසා මෙම සොයා ගැනීම ඉතා වැදගත් සොයා ගැනීමක් බවත් නාසා විද්‍යාඥයෝ පැහැදිලි කරති.

මෙම ග්‍රහයන් හතෙන් තුනක් ඔවුන්ගේ මවු තාරකාව වටා කක්ෂ ගත වී ඇත්තේ ද්‍රව මතුපිටක් එසේත් නැතිනම් මතුපිට ජලය ඇති දුරකින් යැයි ද විද්‍යාඥයෝ පෙන්වා දී ඇත. අනෙක් ග්‍රහයන් හතරට සාපේක්ෂව මෙම ග්‍රහයන් තුනේ ජීවය තිබීමේ අවස්ථාව වැඩි යැයි ද නාසා විද්‍යාඥයෝ පවසති.

Related posts

ලෝක සෞඛ්‍ය සංවිධානයෙන් ශ්‍රී ලංකාවට අනතුරු අගවයි

colombotoday

ඉදිරි පැය 48 ඇතුළත මහා ගංවතුර තත්තවයක්.. සියළු ගංගා අසලින් වහා ඉවත්වන්න රජය දන්වයි

colombotoday

කොළඹ ජාතික රෝහල අවට ආරක්ෂාව තර කරයි

Admin

සංචාරක වීසා හරහා රැකියා වලට රට යවන බව කියා මිනිස් ජාවාරම් කරන අයට නීතිය දැඩි වෙයි

colombotoday

රුසියා ජනපති පුටින්ගෙන් ශ්‍රී ලංකා ජනපතිට ඓතිහාසික තිළිණයක් ! (PHOTOS)

colombotoday

ශ්‍රී ලංකාවේ ටයර් වලට ඇමරිකාවෙන් විශේෂ බද්දක්.. රබර් කර්මාන්තය අවදානමක !!

colombotoday