ආරච්චිකට්ටුව පොලිස් වසමේ අඩිප්පල – බෝපත්ගම ප්‍රදේශයේදී සිදුවූ පිහි ඇනුමකින් කාන්තාවක් මියගොස් තිබේ.
අදාළ කාන්තාවගේ අනියම් සැමියා විසින් එල්ලකළ පිහි පහරකින් එම කාන්තාව මියගොස් ඇයගේ නීත්‍යානුකූල සැමියා තුවාල ලබා ඇති බව වාර්තා වෙයි.
බරපතළ තුවාල ලැබූ කාන්තාවගේ නීත්‍යානුකූල සැමියා ප්‍රතිකාර සඳහා රෝහල්ගතකර ඇත.
පොලිසිය පවසන්නේ මෙලෙස ජීවිතක්ෂයට පත්ව ඇත්තේ 27 හැවිරිදි වියේ පසුවූ තිදරු මවක් බවය.
ඝාතනයට ලක්ව ඇති කාන්තාව තමන්ගේ නිවසට ආසන්නයේ පදිංචිව සිටි සැකකරු සමඟ අනියම් සම්බන්ධතාවයක් පවත්වා ගෙන ගොස් ඇත.
මූලික විමර්ශනවලදී අනාවරණ වී ඇත්තේ ඇයගේ සැමියාද මේ බව දැන සිට ඇති නමුත් එයට විරෝධතාවයක් පළ කර නොමැති බවය.
පසුගිය දිනක මෙලෙස ඝාතනයට ලක්ව ඇති කාන්තාව සැකකාර අනියම් සැමියා මිහින්තලය ප්‍රදේශයට ගොස් ඇත.
පසුව ඇය සැකකරු සමග නැවත නිවසට පැමිණි අවස්ථාවේදී කාන්තාවගේ නීත්‍යානුකූල සැමියා ඊට විරෝධය පළ කිරීමත් සමඟ බහින්බස්වීමක් ඇතිවී තිබේ.
එම අවස්ථාවේදී සැකකාර අනියම් සැමියා විසින් මෙම කාන්තාවට සහ ඇයගේ සැමියාට තියුණු ආයුදයකින් පහර දී ඇති බව අනාවරණය වී ඇත.
අනතුරුව දෙදෙනා ප්‍රතිකාර සඳහා හලාවත මහරෝහලට ඇතුලත් කර ඇති අතර එහිදී කාන්තාව ජීවිතක්ෂයට පත්ව තිබේ.
සැකකරු ප්‍රදේශයෙන් පලා ගොස් ඇති අතර ආරච්චිකට්ටුව පොලීසිය වැඩිදුර විමර්ශණ කටයුතු ආරම්භ කර ඇත.