මහබැංකු බැදුම්කර වංචාව සම්බන්ධයෙන් චෝදනාවට ලක්ව සිටින ‘පර්පචුවල් ට්‍රෙසරීස් සමාගම‘ විසින් ප්‍රකාශයට පත් කිරීමට නියමිත පුවත්පත් ජාලය සදහා විදේශයකින් ගෙන්වූ අති නවීන මුද්‍රණ යන්ත්‍ර කිහිපයක් මෙ වන විටි වරායේ කන්ටේනර් පර්යන්තයේ ගොඩබා ඇත.
ඉහළම තාක්ෂණයෙන් යුතු මෙම මුද්‍රණ යන්ත්‍රවල වටිනාකම ඩොලර් මිලියන දහස් ගණනක් බවත්, ඒ සදහා ගෙවිය යුතු රේගු ගාස්තුව මෙතෙක් ගණනය කර නොමැති බවත් රේගු ආරංචි මාර්ග පවසයි.
දොම්පේ ප්‍රදේශයේ මේවන විට ඉදිවෙමින් පවතින අලුත්ම මුද්‍රණාලයට මෙම යන්ත්‍ර සියල්ල ගෙන යෑමට නියමිතය.
මෙරට ප්‍රධාන පෙළේ පුවත්පත් ආයතන කිහිපයක කටයුතු කළ මාධ්‍යවේදීන් හා නිර්මාණ ශිල්පීන් කිහිප දෙනෙකු මේ වන විටත් අලුතෙන් ආරම්භ කිරීමට නියමිත පුවත්පත් ආයතනය හා සම්බන්ධ වී ඇති අතර, ඔවුන්ට ඉතා ආකර්ශණීය දීමනා හා ඉහළ වැටුප් හිමිවන බව පැවසේ.