වතුකරයේ දෙමළ තරුණියන් අට දෙනකුගේ නිරුවත් ඡායාරූප හා වීඩියෝ දර්ශන දුරකතනයේ තබාගත් පුද්ගලයකු වත්තල පොලිසිය විසින් අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ දෙහිවල ප්‍රදේශයේ පදිංචි 23 හැවිරිදි පුද්ගලයෙකු බව පොලිසිය සඳහන් කරයි.
වත්තල ප්‍රදේශයේ තරුණයන් දෙදෙනකු තම ජංගම දුරකතනය කොල්ල කෑ බවට මෙම සැකකරු විසින් වත්තල පොලිසිය වෙත පැමිණිල්ලක් කර තිබුණි.
දුරකතනය සොරාගත් එම පුද්ගලයන් දෙදෙනා එය තමන් වෙත නැවත ලබාදීම සඳහා රුපියල් ලක්ෂ දහයක කප්පමක් ඉල්ලන බවට පැමිණිලිකරු පොලිසිය හමුවේ සඳහන් කර තිබුණි. මේ සම්බන්ධයෙන් විමර්ශන සිදුකළ වත්තල පොලිසියේ අපරාධ අංශයේ ස්ථානාධිපති පොලිස් පරීක්ෂක අසේල දහනායක මෙම දුරකතන සොරකමට සම්බන්ධ සැකකරුවන් දෙපළ අත්අඩංගුවට ගෙන සොරාගත් බව කියන එම දුරකතනය ද පරීක්ෂාවට ලක්කර ඇත.