මාධ්‍යවේදියෙකු යැයි කියන ප්‍රගීත් එක්නැලිගොඩ නොහොත් ප්‍රදීප් රංජිත් අතුරුදන් වීම පිළිබද මූලික පරීක්ෂණ විභාගය යළි අරඹන ලෙස අභියාචනාධිකරණය අද (23) හෝමාගම මහේස්ත්‍රාත්වරයාට දැනුම් දුන්නේය.
මෙම මූලික පරීක්ෂණ විභාගය පිළිබඳව පනවා තිබූ අතුරු තහනම් ඉවත් කිරීමට ද නියෝග කැරිණි.
එක්නැලිගොඩ මහතාගේ බිරිඳවන සන්ධ්‍යා එක්නැලිගොඩ මහත්මිය අභියාචනාධිකරණයට ගොනු කළ හබයා කෝපුස් රිට් පෙත්සම සලකා බැලූ අවස්ථාවේදි අභියාචනාධිකරණය මෙම නියෝගය ලබා දුන්නේය.
එක්නැලිගොඩ අතුරුදන්වීම සම්බන්ධයෙන් සැකපිට අත්අඩංගුවට ගෙන බන්ධනාගාරගත කර සිටි යුද හමුදා බුද්ධි අංශ නිලධාරීන් මීට පෙර ඇපමත නිදහස් කෙරිණි.