වැලිකඩ බන්ධනාගාර පරිශ්‍රයේ දී රැඳවියන් පිරිසක් සිදුකළ උද්ඝෝෂණයක් හේතුවෙන් එහි ගොඩනැගිලිවලට දැඩි අලාභ හානි සිදුව ඇතැයි බන්ධනාගාර දෙපාර්තමේන්තුව පවසයි.
බන්ධනාගාරයේ චැපල් අංශයේ වහළ මත නැග එම උද්ඝෝෂණය සිදුකර තිබුණි.
ඒ සඳහා රැඳවියන් 54 දෙනෙක් පමණ එකතු වී තිබූ අතර ඊයේ රාත්‍රියේ ඔවුන්ව බිමට බස්සවා ගැනීමට බන්ධනාගාර නිලධාරීන් ට හැකිවිය.
එහි මාධ්‍ය ප්‍රකාශක චන්දන ඒකනායක මහතා පැවසුවේ ඉන් සිදුව තිබූ හානිය රුපියල් කෝටියක් ලෙස ඇස්තමේන්තු කර ඇති බවය.
උද්ඝෝෂණයට එක්වූ රැඳවියන් ව බූස්ස බන්ධනාගාරය වෙත මාරුකර යැවීමට කටයුතු කරන බවද ඔහු පැවසීය.