යාපනය,නල්ලූර්,චෙම්මනි හින්දු සුසාන භූමිය තුළ සැක කටයුතු පාර්සලයක ටි.එන්.ටි වර්ගයේ පුපුරණ ද්රව්ය කිලෝග්රැම් තුනයි ග්රැම් 775 ක් ඊයේ(08)දින සවස සොයාගත් බව යාපනය පොලිසිය පවසයි.
පොලිසිය පැවසූවේ යුද හමුදා නිළධාරීන් වෙත ලද තොරතුරක් මත අදාළ සැක කටයුතු පාර්සලය සොයාගෙන ඇති බවයි.
සැක කටයුතු පාර්සලය සම්බන්ධයෙන් යාපනය මහේස්ත්රාත් අධිකරණ නියෝග යටතේ , යාපනය පොලිස් විශේෂ කාර්ය බළකා බෝම්බ නිශ්ක්රීය අංශය පරීක්ෂා කළේය.
පාර්සලය තුළ ටි.එන්.ටි වර්ගයේ පුපුරණ ද්රව්ය කිලෝග්රැම් තුනයි ග්රැම් 775 ක්, සේවා නූල් කොටසක් හා ඩෙටනේටර් දෙකක් තිබි සොයාගෙන ඇති බවද පොලිසිය පැවසූහ.
අදාළ පුපුරණ ද්රව්ය,සේවා නූල් හා ඩෙටනේටර් කුමන කටයුත්තක් වෙනුවෙන් ගෙනා ඒවාදැයි සොයා පරීක්ෂණ පවත්වන බව පොලිසිය වැඩි දුරටත් පවසයි.