කොටි නායක වේළුපිල්ලේ ප්‍රභාකරන් ලොව කොහේ සිටියත් මේ භූමියට යළි පැමිණිය යුතු බවත් ඔහු යළි පැමිණේවී යැයි තමා විශ්වාස කරන බවත් උතුරු පළාත් ධීවර හා ප්‍රවාහන අමාත්‍ය පී.ටෙනීස්වරන් පවසයි.
පසුගිය 14 වනදා යාපනය වැල්වැටිතුරේ පැවති උත්සව සභාවක් අමතමින් ඔහු මේ බව පැවසීය.
“මීට මාස කිහිපයකට ඉහතදී, වැල්වැටිතුරය ප්‍රදේශයට මා ගිය අවස්ථාවේදී, නායක ප්‍රභාකරන් අයියන්ඩියගේ නිවස නිරීක්‍ෂණය කළෙමි. ඔහුගේ නිවස නිරීක්‍ෂණය කළ යුතුය යන විශාල උනන්දුවකින් පැමිණියෙමි. ඒ අනුව, මේ ලෝකයේ කුමන ප්‍රදේශයක සිටියත්, ඔහු නිරෝගීව ජීවත් විය යුතුය. අපගේ ජනතාව සඳහා වන මුලික අයිතිවාසිකම් ලැබෙන අවස්ථාවේදී, අපගේ කැමැත්ත නායකතුමා නැවත මෙම භූමියට පැමිණිය යුතු බවයි.“ යනුවෙන් ඩෙනීෂ්වරන් ප්‍රකාශ කර ඇත.