Colombo Today Local News

කෙරවළපිටිය බලාගාරය හොර රහසේ ඇමෙරිකාවට විකුණලා – අනුර කුමාර

කෙරවලපිටිය බලාගාරය හොර රහසේ ඇමෙරිකානු සමාගමක් වෙත විකුණා දමා ඇතැයි ජනතා විමුක්ති පෙරමුණේ නායක අනුර කුමාර දිසානායක මහතා චෝදනා කරයි.

ටෙන්ඩර් ලංසු හෝ ඉදිරිපත් නොකළ නිව් පෝට‍්‍රට් එනජීස් නමැති ඇමෙරිකානු සමාගමට කෙරවලපිටිය බලාගාරය එසේ විකුණා දමා ඇති බවත් හෙතෙම කීවේය.

අනුර කුමාර දිසානායක මහතා එම අදහස් පළකළේ පැලවත්ත බත්තරමුල්ලේ පිහිටි එම පක්ෂයේ ප‍්‍රධාන කාර්යාලයේ ඊයේ (19)දින පැවැති මාධ්‍ය හමුවකදීය. මෙහිදී වැඩිදුරටත් අදහස් දක්වමින් අනුර කුමාර දිසානායක මහතා මෙසේද පැවසීය.

“පසුගිය පෙබරවාරි 18 වැනිදා මේ පිළිබඳව ජනමාධ්‍යවල දැන්වීම් පළකළා. මේ අනුව පාවෙන ගෑස් ගබඩා පද්ධතිය සහ නළ පද්ධතිය වෙන්වෙන්ව ටෙන්ඩර් කැඳවලා තිබුණා. එහි ඉල්ලූම් පත‍්‍ර ලබාගැනීමට රුපියල් ලක්ෂ 2ක තැන්පතුවක් ලබාගත්තා. ජූලි 18 වැනි දිනට පෙර ලංසු ඉදිරිපත් කළ යුතුව තිබුණා. එහෙත් බැසිල් රාජපක්ෂ මුදල් ඇමැතිවරයා මෙම ටෙන්ඩරයට ලංසු ඉදිරිපත් නොකළ නිව් පෝට‍්‍රට් එනර්ජි නම් ඇමෙරිකානු සමාගමට කෙරවලපිටිය බලාගාරයෙන් 40%ක්, ගෑස් ගබඩා පද්ධතිය සහ නළ පද්ධතිය ලබාදීම සඳහා කැබිනට් පත‍්‍රිකාවක් අනුමත කර ගත්තා. මෙය කිසිසේත්ම පිරිසිදු ගනුදෙනුවක් නෙවෙයි. එම ඇමෙරිකානු සමාගමට අවශ්‍ය නම් ටෙන්ඩරයට ඉදිරිපත් විය හැකිව තිබුණා. නමුත් එයට ඉල්ලූම් නොකළ සමාගමකට ඇමෙරිකානු පුරවැසි බැසිල් රාජපක්ෂ විසින් ලබාදී තිබෙනවා. එම සමාගමටම වසර 5ක් යන තෙක් ගෑස් මිලදී ගැනීමද ටෙන්ඩරයකින් තොරවම ලබාදී තිබෙනවා. සාමාන්‍යයෙන් කැබිනට් පත‍්‍රිකාවක් රැස්වීමට දවස් තුනකට පෙර ඇමැතිවරයා අතට පත් වුණත් මෙම කැබිනට් පත‍්‍රිකාව එලෙස ඉදිරිපත් කළේ නැහැ. අතිරේක පත‍්‍රිකාවක් ලෙස රැස්වීම අවස්ථාවේම ඉදිරිපත් වුණා. ඒ මොහොතේම ඊට අනුමැතියත් ලබාගත්තා. ඇතැම් ඇමැතිවරුන්ගේ විරෝධතා මධ්‍යයේ. ගිවිසුම අත්සන් කිරීමෙන් පසුව අනුමත කිරීම සඳහා කැබිනට් මණ්ඩලයට ඉදිරිපත් කරන බව එහිදී ප‍්‍රකාශ කර තිබෙනවා. එහෙත් එහි කිසිම තේරුමක් නැහැ. සාමාන්‍යයෙන් සිදුවන්නේ ගිවිසුම සකස් කර එය කැබිනට් මණ්ඩලයට ඉදිරිපත් කර අනුමැතිය ලබාගැනීමෙන් පසු අත්සන් තැබීමයි.”

Related posts

ආණ්ඩු පක්ෂයේ මන්ත්‍රීවරු රැස්වෙයි. පළමු වරට අගමැතිත් එයි

colombotoday

අටළුගම ෆතුමාට අඩත්තේට්ටම් කල තවත් මුස්ලිම් ජාතිකයන් 10ක් අත්අඩංගුවට

colombotoday

මධූෂ්ගේ ඩුබායි සාදයට සහභාගී වු සංවිධානාත්මක අපරාධකරුවෙක් අත්අඩංගුවේ

colombotoday

ස්ථාපිත කර ඇති යාන්ත්‍රණයන්ට ගරු කල යුතුයි. පී.සී.ආර්. පරීක්ෂණ මඟ හැරී තානාපති නිලධාරිනියට නාමල් මතක් කර දෙයි

colombotoday

පොට්ටු අම්මාන් තමිල්නාඩුවේ යහතින් !

colombotoday

ගෝඨා අත්අඩංගුවට ගැනීමට සූදානම්.. ඉහළින් නියෝගය ලැබෙන තුරු FCID සීරුවෙන් !!

colombotoday