Colombo Today Local News

ඒකාබද්ධ විපක්ෂය ‘දෙවැනි සටන‘ ට සැරසෙයි !

ආණ්ඩුවට එරෙහිව ජනතාව පෙළගැස්වීමේ අරමුණින් ‘දෙවැනි සටන’ නමින් විරෝධතා රැලි මාලාවක් දිවයින පුරා පැවැත්වීමට ඒකාබද්ධ විපක්ෂය තීරණය කර තිබෙනවා.

හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් (3දා) නෙලුම් මාවත කාර්යාලයේ පැවැති ඒකාබද්ධ විපක්ෂය නියෝජනය කරන පක්ෂ නායකයන්ගේ රැස්වීමකදී මෙම තීරණය ගෙන ඇත.

ඒ අනුව පළමු විරෝධතා ජනරැලිය මේ මස 24 වැනිදා නුගේගොඩ නගරයේදී පැවැත්වීමට නියමිතය. හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් පැවැත්වෙන මේ විරෝධතා රැලි සඳහා ඒකාබද්ධ විපක්ෂය නියෝජනය කරන සියලු මන්ත්‍රිවරුන් සහභාගි වන බව පිවිතුරු හෙළ උරුමයේ නායක පාර්ලිමේන්තු මන්ත්‍රි උදය ගම්මන්පිල මහතා පවසයි.

හම්බන්තොට වරාය චීනයට පවරාදීම, නව ව්‍යවස්ථාව, එට්කා ගිවිසුම, බඩු මිල ඉහළ යෑම, බදු මිල ඉහළ දැමීම, ආණ්ඩුවේ දරදඬු පාලනය ඇතුළු කරුණු රැසක් මුල් කර ගනිමින් මෙම විරෝධතා රැලි පැවැත්වීමට සූදානම් කර ඇත.

මැතිවරණය කල්දැමීමට පළාත් පාලන අමාත්‍ය ෆයිසර් මුස්තාපා මහතා සිතා මතා සිදු කරනු ලබන ක්‍රියාදාමයට එරෙහිව සිය ධුරයෙන් ඉල්ලා අස්වන ලෙස බල කරමින් ලිපියක් යොමු කිරීමට පක්ෂ නායක රැස්වීමේදී තීරණය කළ බවත් එසේ නොවන්නේ නම් අමාත්‍යවරයාට එරෙහිව විශ්වාසභංග යෝජනාවක් පාර්ලිමේන්තුවට ගෙන එන බවත් ගම්මන්පිල මහතා ප්‍රකාශ කළේය.

මූලාශ්‍රය Mawubima

Related posts

උ/නැ එක්‌කිරීමට උතුරු සභාවෙන් අලුත් යෝජනාවක්‌

colombotoday

ව්‍යවස්ථා සම්පාදක මණ්ඩලයෙන් ජනිපෙ නිල වශයෙන් ඉවත් වෙයි.. ඒකාබද්ධය බෑ කියයි !

colombotoday

දකුණේ සිසුන් උතුරේ විශ්වවිද්‍යාලවලට වැඩි වශයෙන් බදවාගැනීම ප්‍රශ්නයක් – විග්නේෂ්වරන්

colombotoday

තිරිගු පිටි මිලත් වැඩි වෙයි

colombotoday

දෙමටගොඩ චමින්දගේ සමීපතමයෙක් කොටු

colombotoday

යුද හමුදා කදවුරු වල ප්‍රදර්ශනය කළ යුත්තේ යුද හමුදා හා රාජ්‍ය ලාංඡන පමණයි

colombotoday