පුරා මාස දෙකට අධික කාලයක් සංචරණ සීමා පණවා තිබූ බණ්ඩාරගම අටලුගම ඇතුළු ග්‍රාම සේවා වසම් වල සංචරණ සීමා ඉවත් කිරීමට අද (27)දින අලුයම කටයුතු කෙරිණි.
ඒ අනුව බෝගහවත්ත, බමුණුමුල්ල 659 බි, කොළ මැදිරිය, බමුණුමුල්ල 660, අටලුගම නැගනහිර, අටලුගම බටහිර, කොරාවල, එපිටමුල්ල සහ ගල්ගේ මණ්ඩිය ජන ග්‍රාමසේවා වසම් නමයේ සංචරණ සීමාවන් ඉවත් කෙරිණි.
ඉකුත් නොවැම්බර් 17 වැනිදා අටලුගම ප්‍රදේශයෙන් එකවර කොරෝනා ආසාදිත රෝගීන් 17 දෙනෙකු හමු වීමත් සමගම එම ප්‍රදේශයට සංචරණ සීමාවන් පැනවිය.
අටුලුගම අලොතියාව ප්‍රධාන පොලිස් මුරපොළ හරහා ගමන් කිරීමට පැමිණි පුද්ගලයෙකු ඔවුන් වෙනුවෙන් දිවා රෑ කැපවී සේවය සැලසූ ආරක්ෂක හමුදාවන්ට සෞඛ්‍ය අංශයට අටුලුගම මුස්ලිම් ජනතාව වෙනුවෙන් ප්‍රණාමය පුද කළහ.