තමාගේ ආරක්‍ෂාවට යොදා සිටින යුද හමුදා සෙබළුන් ඉවත් කිරීමට ආරක්ෂක අමාත්‍යාංශය ගනු ලැබූ තීරණය ජනාධිපති මෛත්‍රිපාල සිරිසේන මහතා විසින් අත්හිටුවා ඇතැයි හිටපු ජනාධිපති මහින්ද රාජපක්‍ෂ මහතා පැවසීය. ඒ අනුව තමාගේ ආරක්‍ෂාවට දැනට සිටින යුද හමුදා සෙබළුන් 103 දෙනා තවදුරටත් රාජකාරි කටයුතුවල නිරත වනු ඇතැයි ද හෙතෙම සඳහන් කළේය.
හිටපු ජනාධිපතිවරයාගේ ආරක්‍ෂාවට සිටින යුද හමුදා සෙබළුන් ඉවත් කර ඒ වෙනුවට පොලිස්‌ නිලධාරීන් යෙදවීමට පසුගියදා ආරක්ෂක අමාත්‍යාංශය තීරණය කර තිබිණි. ඒ බැව් ආරක්ෂක ලේකම් කරුණාසේන හෙට්‌ටිආරච්චි මහතා ඉකුත් 07 වැනිදා පැවැති කැබිනට් තීරණ දැනුම් දීමේ මාධ්‍ය හමුවේදී නිල වශයෙන් ප්‍රකාශ කළේය.
දිවයින