කිරුළපන ඇලන් මැතිණියාරාම විහාරස්ථානයේ ශබ්ද විකාශන යන්ත්‍රය සෑම දිනකම උදෑසන 5 සිට 6 දක්වා ක්‍රියා විරහිත කර තබන ලෙසට කොළඹ අතිරේක මහේස්ත්‍රාත් දුලානි අමරසිංහ මහත්මිය ඊයේ (06)කොන්දේසි සහිත ආඥාවක් නිකුත් කළාය.
ලබන 16 දා අධිකරණයේ පෙනී සිටින ලෙස දන්වා විහාරාධිපති පූජ්‍ය උඩුවේ ධම්මාලෝක හිමියන්ට සිතාසි නිකුත් කිරීමටද අතිරේක මහේස්ත්‍රාත්වරයි එහිදී වැඩිදුරටත් නියෝග කළාය.
ඇලන් මැතිනියාරාමයේ උදෑසන 5 සිට 6 දක්වා කාලය අතරතුරු දිනපතා ශබ්ද විකාශන ඔස්සේ පිරිද් දේශනයක් විකාශය වන අතර, එම ශබ්දය තමන් ඇතුළු ප්‍රදේශවාසීන්ට දැඩි ශාරීරික හා මානසික පීඩාවන් ඇතිවන බව පෙන්වා දෙමින් හිටපු අමාත්‍ය මිලින්ද මොරගොඩ ඇතුළු හය දෙනෙක් සහ පරිසර යුක්ති කෙන්ද්‍රය පවරා තිබූ නඩුවක් සලකා බලමින් මහෙස්ත්‍රාත්වරිය එම නියෝගය නිකුත් කළාය.
අපරාධ නඩු විධාන සංග්‍රහයේ 98 වගන්තිය යටතේ එම නඩුව පවරා තිබිණි.