තමිල්නාඩු මහඇමතිනී ජයලලිතා ජයරාම් මහත්මියගේ අභාවය තමිල්නාඩුවට පමණක් නොව මෙරට ද්‍රවිඩ ප්‍රජාවටද දැරිය නොහැකි පාඩුවක් බව දෙමළ ජාතික සන්ධානයේ නායක, විපක්ෂ නායක ආර් සම්බන්ධන් මහතා පවසයි.
ශෝක පණිවිඩයක් නිකුත් කරමින් සම්බන්ධන් මහතා පවසන්නේ ශ්‍රී ලංකාවේ දෙමළ කතා කරන ජනතාවගේ අයිතිවාසිකම් සම්බන්ධ ගැටළුවලට විසිදුම් සෙවීම පිළිබදව ඇය විශේෂ උනන්දුවක් දක්වමින් කටයුතු කළ අතර තමිල්නාඩු ප්‍රාන්ත සභාවේදී ඒ පිළිබදව විශේෂ යෝජනා ගණනාවක්ම සම්මත කර ගැනීමට කටයුතු කල බවයි.
දෙමළ ජනතාවගේ අයිතිවාසිකම් දිනාගැනීම වෙනුවෙන් ඇය ඉන්දීය මධ්‍යම රජය හා එක්ව කටයුතු කිරීමටද ඇය ක්‍රියාකළ බව පෙන්වා දෙන විපක්ෂනායකවරයා ඇයගේ රජය ශ්‍රී ලංකාවේ දෙමළ ජනතාව වෙනුවෙන් දැක්වූ සහයෝගයට කෘතඥතාවය පලකරන බවද එම ශෝක පණිවුඩයේ සදහන් කර ඇත.