පසුගිය දා නිට්ටඹුව පොලිසිය විසින් අත්අඩංගුවට ගත් මංකොල්ලකෑම් සහ සොරකම් රැසකට සම්බන්ධ බව කියන ‘කපුටා’ යන අනුවර්ථන නාමයෙන් හඳුන්වන පුද්ගලයා එක් සොරකමක් සිදුකර පසුදින තමන් සිදුකළ සොරකම පුවත්පත් වල පළවී ඇද්දැයි දැනගැනීම පිණිස පුවපත් බැලීම පුරුද්දක් කරගෙන සිටි බව පොලිස් ප‍්‍රශ්න කිරීම් හමුවේ පවසා තිබේ.
නිට්ටඹුව පොලිසියේ අපරාධ අංශය විසින් සිදුකළ විමර්ශනයකින් පසුව මෙම පුද්ගලයා ඇතුළු දෙදෙනෙක් පොලිස් අත්අඩංගුවට පත් විය.
මෙම සැකකරුගෙන් සිදු කළ ප‍්‍රශ්න කිරීම්වලදී ලද තොරතුරුවලට අනුව පාපැදි, රූපවාහිනි, තණ කොළ කපන මැෂින්, රත‍්‍රන් මාල, විදුලි තරාදි ඇතුළු උපකරණ රැසක් සොයාගෙන තිබේ.
සොරාගත් මුදල් හා දේපළ විකිණීමෙන් ලද මුදල්වලින් මොවුන් පෑලියගොඩ ප‍්‍රදේශයට ගොස් හෙරොයින් මිලදී ගෙන පානය කර ඇති බව පොලිසිය පවසයි.