දිනකට කොරෝනා ආසාදිතයින් හඳුනා ගැනිමේ PCR පරීක්ෂණ 20,000කට ආසන්න සංඛ්‍යාවක් සිදු කරන බව සෞඛ්‍ය අමාත්‍යාංශය පවසයි.
සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා සඳහන් කළේ, මීට පෙර PCR පරීක්ෂණ 10,00ක් පමණ සිදු කළ බවයි.
මේ වන විට දිවයිනේ රෝහල් 40 ක පමණ PCR පරීක්ෂණ සිදු කරන බව ද ඔහු සඳහන් කළේය.
පෞද්ගලික රෝහල් 05ක ද එම පරික්ෂණ මේ වනවිට සිදු කරමින් පවතී.
මේ අතර කෑගල්ල සහ කළුතර රෝහල්වල ද ඉදිරියේදී PCR පරීක්ෂණ යන්ත්‍ර ස්ථාපිත කිරීමට නියමිත බව සෞඛ්‍ය සේවා අධ්‍යක්ෂ ජනරාල්වරයා සඳහන් කළේය.