Colombo Today Local NewsNew Constitution

“වෙනස විශ්මයජනකයි.. ව්‍යවස්ථාව සම්මතකර ගැනීමට සියළු ක්‍රියාමාර්ග ගෙන අවසන්“ සම්බන්ධන්

sambandha8952නව ව්‍යවස්ථාව 2017 වසරේ මුල් භාගයේදී සම්මත කරගැනීමට හැකිවනු ඇති බවත්, ඒ සදහා අවශ්‍ය සියළු ක්‍රියාමාර්ග ගෙන ඇති බවත් විපක්ෂ නායක ආර්. සම්බන්ධන් මහතා පවසයි.

පසුගිය 28 වනදා ඔහුගේ නිවසේ පැවති දෙමළ ජාතික සන්ධානයේ ත්‍රිකුණාමල දිස්ත්‍රික් ශාඛාවේ විශේෂ සාකච්ඡාවකදී විපක්ෂනායකවරයා මේ බව ප්‍රකාශ කර ඇත.

2015 වර්ෂයේ පැවති ජනාධිපතිවරණයෙන් බලාපොරොත්තු නොවූ ආකාරයේ දේශපාලන වෙනසක් මෙරට තුළ සිදුවූ බවත්, මෙරට මහජාතික ජනතාව නියෝජනය කරන ප්‍රධාන දේශපාලනඥයන් අතරද විශාල වෙනසක් සිදුව ඇති බවත් විපක්ෂනායකවරයා එහිදී සදහන් කළේය. එම අවස්ථාව පැහැරහැරීමට නොහැකි බව අවධාරණය කළ විපක්ෂනායකවරයා ආණ්ඩු පෙරළියෙන් පසුව මෙරට ඇතිවූ තත්ත්වය හැදින්වූයේ “අපව මවිතයට පත්කරන වෙනසක්“ ලෙසිනි.

නව ආණ්ඩුක්‍රම ව්‍යවස්ථාවට අදාලව වැදගත් කරුණු තුනක් සම්බන්ධයෙන් දැඩිව සාකච්ඡාවට බදුන් වන බවත් ඒ පිළිබදව තවමත් අවසන් තීරණය ගෙන නොමැති වුවත්, මේ වසර අවසානයට පෙර ජනවාර්ගික අර්බුදයට ස්ථීර විසදුමක් ගෙන ඒමට හැකිවන බවත් විපක්ෂනායකවරයා පැවසීය.

උතුරු සහ නැගෙනහිර පළාත් ඒකාබද්ධ කර දේශපාලන විසදුම් ගෙන ඒම සම්බන්ධයෙන් තවදුරටත් සාකච්ඡා වන බවත් ඒ සඳහා මුස්ලිම් පාර්ශ්වයත් දෙමළ පාර්ශ්වයත් සාකච්ඡා කර අවබෝධයක් ඇතිකර ගතයුතු බවත් හෙතෙම පැවසීය.

Related posts

දහම් පාසල් අධ්‍යාපනය අනිවාර්ය කිරීමට කැබිනට් පත්‍රිකාවක්

colombotoday

වසර 25කට පසු පෞද්ගලික ගුවන් ගමන් සදහා කොළඹ අහස විවෘත වෙයි !

colombotoday

ඇමති ජෝන්ට සූර් වී මාධ්‍ය හමුව අවලංගු කරයි

colombotoday

විසඳුම් නැත්නම්, වෘත්තීයවේදීන් 3 සිට යළිත් වෘත්තිය ක්‍රියාමාර්ගවල

Admin

රම්බොඩට මිලිමීටර් 112ක වර්ෂාපතනයක්: දිස්ත්‍රික්ක 5කට පැනවූ නාය යාමේ රතු නිවේදන තවදුරටත්

colombotoday

බන්ධනාගාර බුද්ධි ඒකකය ප්‍රතිසංවිධානයට කැබිනට් අනුමැතිය

colombotoday