වත්තල මාබෝල කළු ඇල ශරීර සුවතා මං තීරුව කඩා දැමුවේ මහ නගර සංවර්ධන අමාත්‍ය චම්පික රණවක මහතාගේ අනුමැතිය සහිතව බව සංචාරක ඉඩම් හා ක්‍රිස්තියානි කටයුතු අමාත්‍ය ජෝන් අමරතුංග මහතා කියයි.
අමාත්‍යවරයා වැඩිදුරටත් පවසන්නේ ආසන්න ඉඩමක නිවාස දෙසීයක් ඉදිකිරීම සදහා මෙය කඩා ඉවත් කළ බවයි.
අදාළ සිදුවීම සම්බන්ධයෙන් මහ නගර සහ බස්නාහිර සංවර්ධන අමාත්‍යාංශයේ මාධ්‍ය අධ්‍යක්ෂක ධනුෂ්ක රාමනායක මහතා මධ්‍යට පවසා ඇත්තේ ඇළ රක්ෂිතයේ පාර පුළුල් කිරීම සදහා ශරීර සුවතා මංතීරුව කඩා ඉවත් කළ බවයි.
ඉදිරි මාස කිහිපය ඇතුළත නවතම ශරීර සුවතා මංතීරුවක් ඉදිකර මහජන ප්‍රයෝජනය සඳහා ලබාදෙන බව ද හෙතෙම කියා සිටී.
එසේ වත්තල ප්‍රදේශයේ ඉදිකර තිබූ ශරීර සුවතා මං තීරුව පෙරේදා (26 දා) රාත්‍රි හදිසියේම කඩා ඉවත් කළේ සංවර්ධන කටයුත්තක්‌ සඳහා බවට ධනුෂ්ක රාමනායක මහතා පැවසුවද, එම මංතීරුව සහිත භූමිය අයත් වන්නේ පෞද්ගලික ආයතනයකට බව අනාවරණය වේ.