කෙන්යාවේ ශ්‍රී ලංකා මහ කොමසාරිස් කාර්යාලයේ කාර්ය මණ්ඩලය සාමාජික සාමාජිකාවන් සිය මාසයක වැටුප රජයේ කොවිඩ්-19 අරමුදලට පරිත්‍යාග කර ඇතැයි විදේශ අමාත්‍යාංශය කියා සිටී.
ශ්‍රී ලංකාවේ උත්සන්න වෙමින් පවතින කොවිඩ්-19 තත්ත්වය සහ රටේ වසංගතයට එරෙහිව සටන් කිරීම සඳහා ජනාධිපති ගෝඨාභය රාජපක්ෂගේ නායකත්වයෙන් යුත් රජය දරන දැඩි ප්‍රයත්නය සැලකිල්ලට ගනිමින්, ශ්‍රී ලංකා මහ කොමසාරිස් කාර්යාලයේ කාර්ය මණ්ඩලය මෙම පියවර ගෙන ඇත.
ඒ මෙම තීරණාත්මක අවස්ථාවේ දී සංකේතාත්මක දායකත්වයක් ලෙස සිය අගෝස්තු මාසයේ මාසික වැටුප කොවිඩ්-19 අරමුදලට පරිත්‍යාග කෙරන බවද කෙන්යාවේ ශ්‍රී ලංකා මහකොමසාරිස් කාර්යාලය කියා සිටී.
අගෝස්තු මාසය සඳහා වන සිය වැටුප කොවිඩ්-19 අරමුදලට පරිත්‍යාග කරන ලෙස අග්‍රාමාත්‍ය මහින්ද රාජපක්ෂ මැතිතුමා විසින් අමාත්‍ය මණ්ඩලයේ සියලුම අමාත්‍යවරුන්ට ද ඉකුත් දා යෝජනාවක් කළේය.