Colombo Today Local News

මියගිය ව්‍යාපාරිකයෙකුගේ සොහොනට පොලිස් ආරක්ෂාව | බිරිඳ සහ සේවකයා අත්අඩංගුවේ

මීගමුව ප්‍රදේශයේ ව්‍යාපාරිකයකුගේ මරණය සම්බන්ධයෙන් ඔහුගේ බිරිඳ සහ අදාළ ව්‍යාපාරික ස්ථානයේ සේවය කළ සේවකයෙකු ඊයේ (24) දින මීගමුව පොලිසිය මගින් අත්අඩංගුවට ගෙන තිබේ.

අදාළ ව්‍යාපාරිකයාගේ මරණය සම්බන්ධයෙන් ලැබුණු තොරතුරක් මත මීගමුව පොලිසිය ආරම්භ කළ විමර්ශනයකදී මෙම සැකකරුවන් දෙදෙනා අත්අඩංගුවට ගෙන ඇත.

අදාළ ව්‍යාපාරිකයාගේ මරණය සිදු වී ඇත්තේ පසුගිය වර්ෂයේ ඔක්තෝබර් මස 30 වන දින වන අතර ඊට ආසන්න දිනයක එම සිරුර භූමදානය කර ඇති බව වාර්තා වේ.

පොලිස් මාධ්‍ය ප්‍රකාශකවරයා සඳහන් කළේ, අදාළ ව්‍යාපාරිකයාගේ මළ සිරුර නැවත ගොඩ ගෙන පශ්චාත් මරණ පරීක්ෂණයක් සිදු කිරීම සඳහා අධිකරණ නියෝගයක් ලබා ගැනීමට ද මේ වන විට පොලිසිය කටයුතු කරන බවයි.

අදාළ මෘත ශරීරය භූම දානය කර ඇති මීගමුව බෝලවලාන ප්‍රදේශයේ පිහිටි සුසාන භූමියට මේ වන විට පොලිස් ආරක්ෂාව සපයා ඇති බවත් එම මෘත ශරීරය ගොඩ ගන්නා තුරු පොලිස් ආරක්ෂාව එම ස්ථානයට යොදවන බවත් පොලිසිය සඳහන් කරයි.

Related posts

‘දූෂණයට වංචාවට නම් මේ දෙගොල්ලම එකයි‘ – මහාචාර්ය ප්‍රේමා පොඩිමැණිකේ

colombotoday

කිරි පිටි මිල ඉහළ යයි

colombotoday

ශ්‍රීලනිපයෙන් ඉවත් කළ අයට ‘අපේ ශ්‍රීලනිපයෙන්‘ සංවිධායක තනතුරු

colombotoday

ඒකීය ලේබලයෙන් එන ෆෙඩරල් ව්‍යවස්ථාව ගැන විමල්ගෙන් විවරණයක් !

colombotoday

අගමැති අද සිය ධුරයේ වැඩ බාරගනී

colombotoday

මංගලගේ මංගල අයවැයි “දේදුනු අනන්තයේ” සිට හැදෙයි !

colombotoday