විදේශීය ආයෝජකයන් රජයේ සුරැකුම්පත්වල ආයෝජනය කොට තිබූ ඇමරිකානු ඩොලර් මිලියන 2133 ක මුදලක්‌ ඉකුත් පෙබරවාරි 3 -10 සතිය තුළ ආපසු ලබාගෙන තිබේ. මේ අයුරින් විදේශිකයන් තමන් සතු සුරැකුම්පත් විකුණා මුදල් ආපසු ලබාගැනීම නිසා රජයේ ආර්ථික අර්බුදය තවත් උග්‍රවී ඇතැයි වෙළෙඳපොළ ආරංචිමාර්ග කියයි.
මෙයට පිළියමක්‌ ලෙස ඇමරිකානු ඩොලර් මිලියන 75 ක් ලබා ගැනීම සඳහා මහ බැංකුව විසින් සංවර්ධන බැඳුම්කර නිකුත් කිරීමට පියවර ගෙන ඇත.
මේ අතර පසුගිය වසර තුළ රජයේ විදේශ විනිමය සංචිතයද ඇමරිකානු ඩොලර් බිලියන 6.5 දක්වා අඩුවී ඇතැයි මහ බැංකු සංඛ්‍යාලේඛනවල දැක්‌වේ.
දයා ලංකාපුර – දිවයින