අම්පාර බුද්ධංගල අභය භූමියේ සති කිහිපයක සිට රෝගීව මිය ගිය වන අලියා වෙනුවෙන් බුද්ධංගල ආරණ්‍ය සේනාසනයේ ආරණ්‍ය සේනාසනාධිපති දිඝවාපියේ සුසිම හිමියන් සහ අම්පාර නැගෙනහිර වනජිවි සංරක්ෂණ කලාප කාර්යාලයේ නිලධාරින් එක්ව ආගමික වතාවත් සිදු කරන ලදි.
මේ අලියා සති කිහිපයක පටන් වල් අලි රැහෙන් වෙන්ව වනයේ සැරිසරන ආකාරය දක්නට ලැබුන අතර යම් පුද්ගලයකු විසින් සිදු කරනු ලැබු වෙඩි තැබීමකින් හෝ ආහාරයට වස විස මුසුකිරිමකින් ඇති වු ආබාධයකින් හෝ අලියා මිය යන්නට ඇතැයි වන ජිවි නිලධාරිහු පවසයි.
වන ජිවි ඇමැති ගාමිණි ජයවික්‍රම මහතාගේ උපදෙස් පරිදි මෙරට වන උද්‍යානයන්හි මිය යන අලි ඇතුන් වෙනුවෙන් ආගමික වතාවත් සිදු කර අවසන් කටයුතු සිදු කිරිම සිදු කරනු ලබන අතර බුද්ධංගල අලියා වෙනුවෙන්ද ආගමික වතාවත් සිදු කර අවසන් කටයුතු සිදු කිරීමට වන ජීවි කාර්යාලය කටයුතු කරන ලදි.