ඇමෙරිකානු ජනපති ඩොනල්ඞ් ට්රම්ප් සමගින් එක්වී දෙමළ ජනතාවගේ අයිතිවාසිකම් දිනාගැනීම සදහා කටයුතු කරන බවත් ඇමෙරිකා ජනාධිපතිවරණයෙන් ප‍්‍රජාතන්ත‍්‍රවාදය ඉස්මතු වූ බවත් විපක්ෂ නායක දෙමළ ජාතික සන්ධාන පාර්ලිමෙන්තු මන්ත්‍රී ආර්.සම්බන්ධන් පැවසීය.
ඇමෙරිකානු ජනාධිපතිවරයාගේ පත්වීම සම්බන්ධයෙන් කළ විමසුමකට පිළිතුරු දෙමින් විපක්ෂ නායකවරයා මේ බව කීය.
“ශී‍්‍ර ලංකාවේ සිදුවූ බව කියන යුද අපරාධ හා මානව හිමිකම් කඩවීම් සම්බන්ධයෙන් එක්සත් ජාතීන්ගේ මානව හිමිකම් සැසිවාරයන් වලදී සාමාජික රටවල් වලද සහායෙන් ඇමරිකාව විසින් යෝජනාවන් සම්මත කර ගත්තා.දැන් එම යෝජනා ක‍්‍රියාත්මක කිරීමේ තත්වයකයි තියෙන්නේ.ඇමෙරිකාව විසින් ගෙන ආ මෙම යෝජනා අතරින් 2015 වසරේදී සම්මත කර ගත් යෝජනාව ශ‍්‍රී ලංකා රජයද පිළිගෙන තිබියදී මෙම යෝජනාව ක‍්‍රියාත්මක වීම අනිවාර්යයි.එහි කිසිදු වෙනසක් සිදුවිය යුතු නැහැ“යැයි ඔහු පැවසීය.