මත්තේගොඩ නිවාස සංකීර්ණයේ වසා දමා තිබූ නිවසක් තුළ දින හතක් පමණ නිරාහාරව විලාප නගමින් සිටි සුනඛයන් දහ හතක් බළලුන් විසි දෙනෙක් සහ ඉබ්බකු පොලිසිය මැදිහත්ව ඉවතට ගෙන ආහාර පාන ලබා දීමේ පුවතක් වාර්තා වේ.
නිවාස සංකීර්ණයේ අඩි 330ක් පමණ කුඩා නිවසක් තුළ මෙම සතුන් සිරවී නිරාහාරව සිට ඇත්තේ එම නිවසේ සිටි කාන්තාවන් දෙදෙනා කොවිඩ් ආසාදිතව අසාධ්‍ය තත්වයෙන් රෝහල්ගතව පසුවන නිසායි.
මෙසේ සතුන් නිරාහාරව දින ගණනාවක් විලාප නගමින් නිවසක් තුළ සිරවී සිටින බවට ලද තොරතුරක් අනුව සත්ත්වවේදිනියක් විසින් එම නිවසේ නෑදෑයන්ගෙන් මෙම සතුන්ට ආහාර ලබා දීමේ අවස්ථාව ඉල්ලා තිබේ.
එහෙත් ඊට අවසර ලබා දිය නොහැකි බවට ඥාතීන් පැවසීම නිසා ඒ පිළිබඳ පොලිසියට පැමිණිල්ලක් සිදු කළ බවයි සත්ත්වවේදිනි මනෝජා වීරක්කොඩි මහත්මිය පැවසුවේ.