මේ වනවිට ආන්දෝලනයට තුඩු දී ඇති අරාබි ව්‍යාපාරිකයන් පිරිසකට ලබා දී ඇති ශ්‍රීපාද රක්ෂිතයට අයත් ඉඩම්වලින් කොටසක් ඇමති ෆයිසර් මුස්තාපාගේ බිරියගේ නමටද පවරා ඇති බවට තොරතුරු ලැබී තිබෙනවා.
හිටපු ඇමති බැසිල් රාජපක්ෂ විසින් සිය ඇමති බලතල යොදාගෙන ශ්‍රීපාද රක්ෂිත කළාපයේ පිහිටි අදාළ ඉඩම් අරාබි ව්‍යාපාරිකයන්ට පවරා ඇති අතර ෆයිසර් මුස්තාපා සිය බිරියගේ නමට ඉඩම් පවරාගෙන ඇත්තේද ඒ හරහා බවට මේ වන විට තොරතුරු වාර්තා වී තිබෙනවා.
ශ්‍රීපාද රක්ෂිතයට අයත් ජල පෝෂක ප්‍රදේශය විනාශ කරමින් එටිසලාට් සමාගම විසින් අදාල ඉඩමේ දැවැන්ත හෝටල් සංකීරණයක් ඉදිකිරීම මේවන විට ආරම්භ කර ඇති අතර, ඒ හරහා ශ්‍රීපාදය අශ්‍රිත කළාපය ඉස්ලාම්කරණය කිරීමට දැවැන්ත සැලසුමක් ක්‍රියාත්මක කර තිබෙන බවටද හෙළිදරව්වී තිබෙනවා.
ආයෝජන ව්‍යාපෘතියක් යැයි පවසමින් සෞදි අරාබි රජයේ මැදිහත් වීමෙන් වත්මන් රජය හරහා මෙම ඉදිකිරීම සදහා අවසර ලබාගෙන තිබෙන අතර එවක රජයේ ප්‍රබලයන්ගේද සමීප හිතවතෙකුව සිටි, වත්මන් ජනාධිපතිවරයාගේද සමීපතමයෙකු වන ඇමති මුස්තාපා ද ඒ පිටුපස ක්‍රියාත්මකව සිටින බවටද තොරතුරු අනාවරණයව තිබෙනවා.