ලංගම බස් රථයක ප්‍රවාහනය කරමින් තිබූ දඩ මස් කිලෝ 100ක් පොලීසිය විසින් සොයාගෙන තිබේ.
ඉඳුරුව හබක්ගල මංසන්ධියේ ගාලු පාරේ සිදුකළ හදිසි රථවාහන පරීක්ෂා කිරීමකදී කතරගම කොළඹ ලංගම බස් රථයක පසුපස මගී ගමන් මලු අසුරණ ස්ථානයේ තිබී මෙම දඩමස් සොයාගෙන ඇත.
එහිදී අදාළ පාර්සල් සඳහා අයිතිකරුවෙකු ඉදිරිපත් නොවීම හේතුවෙන් සිද්ධිය සම්බන්ධයෙන් සැකපිට ලංගම බස් රථයේ රියදුරු සහ කොන්දොස්තරවරයා පොලීසිය විසින් අත්අඩංගුවට ගෙන තිබේ.
කොස්ගොඩ පොලීසිය සහ පොලිස් විශේෂ කාර්ය බලකායේ අක්මීමන සෝදිසි හා බෝම්බ නිෂ්ක්‍රීය එක්ව මෙම විශේෂ සෝදිසි කිරීම සිදුකර ඇත.
මෙලෙස පොලිස් භාරයට ගෙන ඇත්තේ අම්බලන්තොට ඩිපෝවට අනුයුක්ත ලංගම බස් රථයකි.